Blüete

Us der alemannische Wikipedia, der freie Dialäkt-Enzyklopedy
Schematischi Daarstellig von ere perigyne Blüete mit eme oberständige Fruchtchnote:
1. Blüeteboode/Receptaculum
2. Chelchbletter/Sepalen
3. Chronbletter/Petalen
4. Staubbletter/Stamina
5. Fruchtbletter/Karpelle
Angiospermeblüete

In dr witgfasste Definizion isch d Blüete von ere Pflanze en unverzwigte Churzspross mit begränztem Waggsdum, wo d Bletter von em indiräkt oder diräkt im Dienst vo dr gschlächtlige Fortpflanzig stöön: indiräkt as Schutz- oder Aalockigsorgan (Blüetehülle), diräkt dur d Bildig vo de Fortpflanzigsorgan (Staubbletter und Fruchtbletter).

En ängeri Definizion beschränkt de Begriff Blüete uf d Angiosperme. En Angiosperme-Blüete bestoot us dene Bestanddäil, wo aber nit alli müesse verdräte si: dr Blüetehülle (Perianth) as Perigon oder drennt in e Chelch- und Chronblatthülle, em Androeceum us Staubbletter, em Gynoeceum us Fruchtbletter und dr Blüetenaggse (Blüeteboode). D Staubbletter bilde dr Polle, wo bi dr Bestöibig uf d Narbe vo de Fruchtbletter grootet, dört käimt und im Zug vo dr Befruchdig d Soomeaalag, wo im Fruchtblatt lige, befruchdet, gnauer d Äizälle wo sich in dr Soomenaalag befindet. Die entwigglet sich zum Embryo, d Soomenaalaag entwigglet sich zum Soome und d Blüete zur Frucht.

Litratuur[ändere | Quälltäxt bearbeite]

  • Thomas Jack: Molecular and Genetic Mechanisms of Floral Control. In: The Plant Cell. Band 16, Supplement 1, 2004, S. S1–S17, doi:10.1105/tpc.017038.
  • Paul K. Boss, Ruth M. Bastow, Joshua S. Mylne, Caroline Dean: Multiple Pathways in the Decision to Flower: Enabling, Promoting, and Resetting. In: The Plant Cell. Band 16, Supplement 1, 2004, S. S18–S31, doi:10.1105/tpc.015958.
  • Special Issue: Major Themes in Flowering Research. In: Journal of Experimental Botany. Band 57, Nr. 13, 2006 (online).

Weblingg[ändere | Quälltäxt bearbeite]

 Commons: Blüete – Sammlig vo Multimediadateie
Dä Artikel basiert uff ere fräie Übersetzig vum Artikel „Blüte“ vu de dütsche Wikipedia. E Liste vu de Autore un Versione isch do z finde.