Liachtaschtainischi Landesbibliotheek

Di Liachtaschtainisch Landesbibliotheek isch d Nazionaalbibliotheek vum Fiirschteduum Liachtaschtai mit Sitz z Vaduz.

Gsetzligi Grundlaag un Ufgaabe

Grindet woore isch d Landesbibliotheek dur s Gsetz fir d Yyriichtig zuen ere Liachtaschtainische Landesbibliotheek anne 1961 as Stiftig vum effdetlige Räächt (Landesgesetzblatt Nr. 25 vum 14. Noväber 1961). Uf Grundlaag vu däm Gsetz het d Landesbibliotheek au s Bfliichtexemplarräächt. As Orgaan sin e Stiftigsroot, e Bibliothekskummission un e Bibliothekaar vorgsääne. D Mitgliider vum Stiftigsroot wääre vu dr Regierig bstellt, wu au s Ufsiichtsorgaan vu dr Stiftig isch. Di 1906 grindet Landesleererbibliotheek isch as aigeni Abdailig integrierte woore unter Verwaltig vun ere dreichepfige Kummission, wu vu dr Leererkumferänz gweelt wird, un unter Ufsiicht vum Landesschuelroot.^[1] S Amt vum Bibliothekar as Laiter vu dr Landesbibliotheek isch in Personalunion dur dr Landesarchivar uusgiebt woore, voreb anne 2001 en Änderig vu dr Statuute d Drännig vu däne boode Funkzioone broocht het.

D Landesbibliotheek verbindet d Ufgaabe vun ere Nationalbibliothek mit dääne vun ere wisseschaftlige un ere effetlige Bibliothek. As Nationalbibliothek sammlet d Inschtituzioon Druckwäärch un au Bild- un Tondokumänt, wu dr Urheeber dervu Liachtaschtainerne un Liachteschtainer sin oder wu Liachtaschtai un sy Nooberschaft zum Geegestand hän. Derzue fungiert d Landesbibliotheek as Batäntbibliothek fir d Fiirschteduum Liachtaschtai un bietet as soonigi Zuegang zue umfassende internazionaale Batäntinformazioone. As Wisseschaftligi Bibliothek unterstitzt si Forscher*ne, Studändt*ine un Lyt us dr Leer in ire Wissesaarbet. Zem Byschpel chenne alli Dissertazioone uusgleent wääre, wu vu Absolvänt*ine vu dr Privaate Universiteet im Fiirschteduum Liachtaschtai verfasst woore sin.

D Landesbibliotheek mueß in ire Effnigszyte di jewyls giltig Fassig vu dr z Liachtaschtai aawändbaare EWR-Räächtsvorschrifte^[2] un dr Schwyzerische Räächtsvorschrifte^[3] z Verfiegig stelle, ass mer si cha aaluege un (geege Gebiir) usdrucke chaa..

Bstand

Mit Stand 2016 het d Bibliothek rund 285'000 Medie mit 192'820 Uusleene un Verlängerige un 48'111 Bsuecher ghaa. D Landesbibliotheek bietet iber ire 1999 yygfiert Online-Bibliothekssischteem Aleph 500 vu dr Ex Libris Group en Zuegriff fir Bständ vu allne effetlige un andere liachtaschtainische Bibliotheke. Si isch assoziiert Mitgliid vum Informationsverbund Dytschschwyz. Syt Augschte 2010 bietet d Landesbibliotheek dur s Projekt eLiechtensteinensia Zuegriff zum Inhalt vum Joorbuech vum Historische Verain fir s Fiirschteduum Liachtaschtai, dr alte Landeszytige un andere Publikazioone vu Liachtaschtai.

Täxtaafang vu dr Inkunabel «De orthographia», 1477 vum Hermann Liechtenstein z Treviso druckt
Vordere Spiegel vu dr Inkunabel «De orthographia»

Infrastruktur

In dr Landesbibliotheek hän noch em Jooresbriicht 2016 16 Lyt gschafft, dodrunter ai Person, wu I+D-Assischtänz gleert het. D Landesbibliotheek isch di ainzig Leerstell z Liachtaschtai fir dr Beruef vu dr I+D-Assischtänz.

D Landesbibliotheek het anne 2016 e Budget vu SFr. 1'811'939 ghaa. D Yynaame sin vor allem us em Staatsbyydraag vu SFr. 1'740'000 vu dr liachtaschtainische Regierig bstande.^[4]

Aagfange het d Bibliothek anne 1962 in drei Chammere vu dr Landesschul un isch anne 1968 in s doomoolig AHV-Gebei im Gerberweg 5 umzooge. In dr Johr 1986 un wider 1997/98 isch s Gebei uusböue woore. In dr Pflugstrasse het s e Ussedepot, wu iber d Helfti vum Bstand uusglaageret isch.

Weblink

Commons: Liechtensteinische Landesbibliothek – Sammlig vo Multimediadateie

Fueßnote

↑ Gesetz vom 5. Oktober 1961 betreffend die Errichtung einer Liechtensteinischen Landesbibliothek
↑ No Art 8 Verordnung vom 31. Mai 1995 über die EWR-Rechtssammlung, LGBl 146/1995, sin d Regierigschanzlei zue Amtszyte un d Landesbibliotheek doderzue verpfliichtet.
↑ No Art 4 Abs. 3 Gesetz vom 20. Juni 1996 über die Kundmachung der in Liechtenstein anwendbaren Schweizerischen Rechtsvorschriften(LGBl. 122/1996) sin des di „Bereinigte Sammlung der Bundesgesetze und Verordnungen 1848 – 1947“ (BS), d „Amtliche Sammlung des Bundesrechts“ (AS) un d „Systematische Sammlung des Bundesrechts“ (SR).
↑ Jahresbericht 2016 der Liechtensteinischen Landesbibliothek (PDF-Datei; 800 kB)

Bitte gib au Achtig uf dr Hiwis zue Rechtstheme!

Dä Artikel basiert uff ere fräie Übersetzig vu dere Version vum Artikel „Liechtensteinische_Landesbibliothek“ vu de dütsch>e Wikipedia. E Liste vu de Autore un Versione isch do z finde.

47.1357769.520712Koordinate: 47° 8′ 8,8″ N, 9° 31′ 14,6″ O; CH1903: 757937 / 222628

[1] Gesetz vom 5. Oktober 1961 betreffend die Errichtung einer Liechtensteinischen Landesbibliothek

[2] No Art 8 Verordnung vom 31. Mai 1995 über die EWR-Rechtssammlung, LGBl 146/1995, sin d Regierigschanzlei zue Amtszyte un d Landesbibliotheek doderzue verpfliichtet.

[3] No Art 4 Abs. 3 Gesetz vom 20. Juni 1996 über die Kundmachung der in Liechtenstein anwendbaren Schweizerischen Rechtsvorschriften(LGBl. 122/1996) sin des di „Bereinigte Sammlung der Bundesgesetze und Verordnungen 1848 – 1947“ (BS), d „Amtliche Sammlung des Bundesrechts“ (AS) un d „Systematische Sammlung des Bundesrechts“ (SR).

[4] Jahresbericht 2016 der Liechtensteinischen Landesbibliothek (PDF-Datei; 800 kB)

[1]

[2]

[3]

[4]