Ysebaa-Lichtsignaal

Ysebaa-Lichtsignaal sin elektrischi Ysebaasignal, bi wellè dè Signalbegriff durch Lüüchtmittel aazeigt wörd, im Gegesatz zum Formsignaal.

D Lichtsignaal hèn nōch èm Zweitè Wältkrièg d Formsignaal Zuug um Zuug vodrängt, was im diräktè Zämmehang mit èm Wechsèl vo Mechanischè- uff Relaisschtellwärk stôt. Bis hüt hèn sich d Lichtsignaale als Standardmethodè für d Zugsicherigssischteeme ghaaltè. Erscht diè stetig zuènemmendi Vobreitig vom Hochgschwindigkeitsvokeer im Schinnèvokeer wörd diè hèrkömmliche Signaaltechnik, un dõdemit au d Lichtsignaal, in mittelbarer Zuèkunft vodrängè. -

Technik

Nõch èm Zweitè Wältchrièg sin bi dè neugründete Dütschè Bundesbaan d Stellwärk zuènemmend vo mechanischè uff elektromechanischi umgschtellt worrè. Im Zuug vo dèrè Umschtellig hèt mo d Signaallichter eifach vom Flügelsignaal übbernõõ, d Flügel inklusyv Mechanik wegglô. Stromversorgig un Kabel sin meischtens schu vorhandè gsi. I dè letschtè Johr hèt mo d Signalbelüüchtig uff wartungsarmi Lüüchtdiodè umgschtellt, wo bi vorhandnè freiè Kabelõderè us èm Netz, suscht dezentral durch Solarzellè un Akkus betribbè worrè sin.

Lichtsignaal in voschidnè Länder

Dütschland

H/V-Lichtsignaal mit Signaalbild Hp00

Wiè in Ysebaasignaal z Dütschland beschribbè, sin d Lichsignaal uff èm Netz vo dè Dütschè Bundesbaan bis 1994 im H/V-Sginaalsischteem betribbè worrè, d Signaal sin also in Haupt- (Hp) un Vorsignale (Vr) unterschiddè worrè. Um Vor- un Hauptsignaaal unterscheidè z könnè, hèt mo

• für dè Faarbetrièb bi Dageslicht dè Signaalschirm vo Lichthauptsignaal als uffrächt stehends, längliches Rächtegg uusgformt, dè Schirm vom Vorsignaal abber wiè nè Parallelogramm im 45°-Winkel

Wegè m langè Bremswèg vo Züüg zeiget Vorsignaal d Stellig vo dè Hauptsignaal in uusreichendèm Abschtand (je nõch gfaarener Gschwindigkeit 400–1500 Metèr) aa, dômit èn Zug rächtzitig vor èm haltzeigendè Hauptsignaal zum Stõõ kunnt.

Schwedè

Z Schwedè wörred fascht uusschlièßlich für Lichtsignaal ygsetzt.. Schwedischi Signaal sin uff dè linkè Streggèsitè uffgschtellt.

Schwiz

Sit dè 1940er Johr isch s Signaalsischteem L (Lichtzeichè) un sit 1986 s Signaalsischteem N (numerischi Gschwindigkeitsaazeig) im Ysatz.

Öschterrych

Z Öschterrych sin Nachtzeichè durch Lichtpünkt abgschafft worrè. Dè Trybfaarzügfüürer erkennt iri Stellig durch Uusschtraalè mit dè Fahrzüügbelüüchtig. Möglich isch sell durch d Uusrüschtig vo sämtlichè Trybfaarzüüg un Stüèrwagè mit leischtungsfähigè Schywòrfer.

Luèg au

• Ysebaasignaal z Dütschland

Weblingg

• Lichtsignalsystem Deutschland