Diem

Diem (bis Ändi Novämber 2020 Libra) isch e Gältsorte, wo’s i der Zuekumpft hät sölle gää.

D Firma Facebook hät das Gält, wo nume virtuell würd funkzioniere und nüd als füüsischi Gältstuck vorhande wäär, anne 2020 wölle yfüere, wie si im Sumer 2019 brichtet het. Z’eerscht hätti s Undernääme däm «Ersatzgält», wo me statt de nazionale Gältsorte bruuchti, FacebookCoin welle sääge.

Wel s starche Widerstand vo dr Federal Reserve Bank gää hät, hät me im Februar 2022 d Tächnologi an di kalifornisch Bank Silvergate verchauft.

d Idee

Es müesst e wältwyti Organisazioon gee, wo zu däm wirtschaftleche Sischteem luegti; das wäär d Libra Association. Dere ihre Hauptsitz wär z Gämf.

Es git schynts scho vil grossi Undernääme, wo bi däm Projäkt möchte hälfe, öppe Spotify, Paypal, Vodafone, eBay, Visa, Mastercard, Stripe, Lyft, Uber, Coinbase und Kiva.

S Gält für das Finanzsischteem, wo s bishäärige Bankewääse würd konkurränziere, chiem vo de Deilnäämer. Immer wemme öperem öpis würd zahle, chönt me das ganz eifach mit ere dezäntraalen App, sogar au eifach ufem Samartfoon mache. Alli Transakzioone würde eifach mit dr Blockchain-Technik regischtriert und i der Einheit Libra-Coins ufzellt.

was me derzue cha säge

Es het gly nach dr Facebook ihrere Imformazioon vil Kritik a däm Plaan gää, will die wältwyte grosse Firmene mit däre Technik no meh Macht überchiemte.

Chly amüsant isch eigentlech drby au no, ass me für die ganz nöji wirtschaftlechi Sach ufe uralt Gältname zrugggryfft, wo sid der antike Zyt für Gwicht und Gältsorte gulte het; am Afang het s Wort libra im Latynische e «Woog» bedüütet und spöter s Gwicht, wo uf düütsch s «Pfund» isch. S Sümbol «lb» gilt bis hütt als Abchürzig für s Pfund.

Webklink

• Website zum Projäkt Diem