Liberius (Bischof vu Rom)

Liberius (Fantasydarstellig in dr Basilika St. Paul vor dr Muure)

Dr Liberius (lat. fir „dr Frei“; * z Rom; † 24. Septämber 366) isch Bischof vu Rom vum 17. Mai 352 bis zum 24. Septämber 366 gsii.

Lääbe un Wirke

Sy Pontifikat isch vum arianische Stryt bregt gsii. Är het urspringli d Position vum Athanasius gege dr Arianismus verdrätte. Wun er dää Standpunkt drotz Drohig nit ufgee het, het en dr arianerfryndli Constantius II., ellainige Chaiser syt 353, anne 355 uf Thrakie verbannt un dr Felix II. zum Gegepapscht gmacht. In dr Verbannig het dr Liberius derno aber Zuegständnis gmacht un het emänd sogar dr Athanasius verurdailt, dodruf het er 358 wider uf Rom chenne retuurchuu. Vier Brief, wun er im Exil verfasst het, sin erhalte.

Dr Liberius isch legitim Papscht, wu nit hailiggsproche wore isch. Mer vermuetet, ass sy Reliquie in aim vu dr Sytenaltär vu dr Basilika Hll. Philippus un Jakobus yybettet sin.

No dr Iberliferig het dr Liberius uf em Esquilin noch eme „Schneewunder“ am Morge vum 5. Augschte 358 d Basilika Santa Maria Maggiore böue loo.

Syni Mahndäg in dr Liturgy sin in dr remisch-kadolische Chilche dr 23. Septämber, in dr orthodoxen Chilche dr 27. Augschte.

Literatur

• Hans Lietzmann: Liberius 3. In: Paulys Realencyclopädie der classischen Altertumswissenschaft (RE). Band XIII,1, Stuttgart 1926, Sp. 98–101.
• Ekkart Sauser: Liberius, Papst. In: Biographisch-Bibliographisches Kirchenlexikon (BBKL). Band 5, Herzberg 1993, ISBN 3-88309-043-3, Sp. 13–15.

Weblinks

 Commons: Liberius – Sammlig vo Multimediadateie

• Ytrag in d Catholic Encyclopedia, Robert Appleton Company, New York 1913 (änglisch)
• Gsamtwärch vu Migne Patrologia Latina mit Inhaltsverzaichnis

Fueßnote

Vorgänger Julius I.

Bischof vu Rom Dr Titel Papscht isch anne 384 zum erschte Mol brucht wore. 352–366

Nochfolger Damasus I.

Dä Artikel basiert uff ere fräie Übersetzig vum Artikel „Liberius_(Bischof_von_Rom)“ vu de dütsche Wikipedia. E Liste vu de Autore un Versione isch do z finde.