Die Liberal-Demokratischi Bardei Basel
Die Liberal-Demokratischi Bardei (LDP) isch e liberali Bardei im Kanton Basel-Stadt.
D LDP isch die dradizionelli Inträsseverdrätig vom Basler Groossbürgerdum, vom so genannte Daig. Im Groosse Root het si sit de Waale im Joor 2016 15 vo 100 Sitz. S LDP-Mitgliid Christoph Eymann isch Nationalrot; dr Conradin Cramer isch Vorsteher vom Erziejigsdepartemänt und äine vo de siibe baselstedtische Regierigsrööt.
In dr Gmäind Rieche isch d LDP bis zu de Waale vo 2010 sogar die sterksti Bardei gsi. Aktuell het si 6 vo 40 Sitz im Iiwoonerroot.
D LDP het bis 2008 zur Liberale Bardei vo dr Schwiz (LPS) ghöört. Sit ass d LPS und d FDP uf dr Bundeseebeni 2009 fusioniert häi, isch si Mitgliid vo dr Bardei «FDP.Die Liberale». Uf dr kantonale Eebeni isch si aber unabhängig vo dr FDP Basel-Stadt, wo au zur FDP Schwiz ghöört.
Weblingg
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Liberal-Demokratische_Partei_(Basel)“ vu de dütsche Wikipedia. E Liste vu de Autore un Versione isch do z finde. |