Land un Sproch (Zitschrift)
Land un Sproch - vollständige Titel: Land un Sproch - Les cahiers du bilinguisme (d Hefter vu dr Zweisprochigkeit) isch e Zitschrift, wu drej Mol im Johr rüsgä wird vum Verein "Culture et Bilinguisme d'Alsace et de Moselle - René Schickele-Gesellschaft".
Si erschiint z Stroßburg. Normalerwiis sin diä meischte Artikel uf franzesisch, e gleine Deil in dr ditsche Standartsproch un wennig uf Elsässisch oder Lothringisch - des s meischt Mol in alemannische Kolumne. D Tabälle zeigt, wiäviil Sitte in wellere Sproch sin:
| Üsgab | Franzesisch | Standartditsch | Elsässisch |
| Nr. 154-2005 | 20 | 5 | 3 |
| Nr. 155-2005 | 19 | 9 | 0 |
D Theme gehn um
- d Gschicht vum Elsass un vu Lothringe
- Üssenandersetzung mit dr franzesische Sprochbolitik
- d Lag vum Dialäkt un vum Hochditsche in dr Effentligkeit, in dr Schuel
- theoretischi Üssenendersetzunge zu Dialäkt un Hochditsch. In wisseschaftligi Diskussione wird iigriffe.
- Artikel vu un iber elsässischi un lothringischi Dichter un anderi Persenligkeite
- Bricht iber anderi Minderheitssproche, zum Biispiil Bretonisch, Friisisch
Land un Sproch legt Wärt druf, ass s Alemannisch un s Fränkisch im Elsass un z Lothringe as e Deil un e Üsdrucksform vu dr Ditsche Sproch gsähne wird. Dr Dialäkt heb ohni d Unterstitzung vu dr Standardsproch ke Schangs zum Iberläbe. Wäge däm drittet Land un Sproch fir diä zweisprochige Glasse ii, wu 13 Stunde uf franzesisch un 13 Stunde uf hochditsch unterrichtet wird.
Im Verglich mit dr Heimet isch d Land un Sproch e meh intellektuell ufgmachts Blatt, wu meh e bildete Personegreis aspricht.
Lueg aü
[ändere | Quälltäxt bearbeite]- Elsass: D'Heimet (Zitschrift)
- Oberbade: Alemannisch dunkt üs guet (Zitschrift)
- Schwiz: Mundart. Mitteilungsblatt des Mundartforums