Léaz

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Léaz

Léaz isch e Gmeind im französische Departemänt Ain. Si ghöört zu der Regioon Pays de Gex.

D Ortschaft lyt öppe 24 Kilometer weschtlich vo Gämf im Jura. Si isch uf ere Gländterrasse hööch über der Schlucht vo der Rhone döört, wo die vom Gämfersee häär und us der Schwiiz das Gebirge in ere Kluus durbricht. Me seit dere Juraschlucht uff Französisch Défilé de l’Écluse.

Rings ums Doorff het’s vil Wald. Uf der Nordsyte vo der Ortschaft isch der letscht hööch Bäärg vom Jura, der Grand Crêt d’Eau. Grad näbem Doorff verby goot d Hauptstrooss D 1206 Route de Genève vo Gämf und Collonges uff Bellegarde und Lyon. D Ysebaan vo Gämf uf Lyon goot bi Léaz dur nes Tunäll under em Bärg dure.

Der Gmeindbann vo Léaz isch im Regionale Naturpark Haut-Jura.

Im Doorff, wo i der Gschicht s erschte Mool innere Urkunde vo anne 1272 öppis dervo ufgschriben isch, woone hüt öppe sibehundert Lüüt.

Weblink[ändere | Quälltäxt bearbeite]

 Commons: Léaz – Sammlig vo Multimediadateie