Kunschtverein Friburg
| Dialäkt: Friburgerisch (eltere Stadtdialekt) |
De Kunschtverein Friburg isch e 1827 z Friburg grindete Kunschtverein, wu si de Ferderung vu de zittgnessische Kunscht widmet. De Verein het sini Uusstellungs- un Gschäftsriim im Mariebad, eme ehmolige Schwimmbad in de Friburger Altstadt.
Gschicht
[ändere | Quälltäxt bearbeite]
De 1827 grindet Kunschtverein Friburg ghert zue de eltschte Kunschtverein vu Ditschland. Um 1914 het de Verein 600 Mitglider zellt, bi 85.000 Iiwohner. Uusgänds 19. Johrhundert un in de erschte Helfti vum 20. Johrhundert het si de Verein vor allem mit de Klassische Moderni bscheftigt. Vum 2. September bis 4. Oktower 1916 het in de Kunschthalle an de Friedrichstroß d Schau "Adolf Hölzel und sein Kreis" stattgfunde. Newe Bilder vum Hölzel het me Arwete vum Oskar Schlemmer, em Willi Baumeister, em Johannes Itten, de Ida Kerkovius un andere kenne sehne. As Wanderuusstellung denkt, sin d Werch weg em Krieg nu no z Frankfurt am Main z sehne gsii. Hite zeigt de Verein im Johr uugfehr fimf bis acht greßeri Uusstellunge mit zittgnessische Kunscht, organisiert Vorträg un anderi Bildungsaagebot un duet Kunschtreise veraastalte.
Im Johr 2008 het de Kunschtverein guet 500 Mitglider un e Johresbudget vu knapp 180.000 Euro ghet.[1] Direkter vum Kunschtverein isch vu 1990 bis 2000 de Stephan Berg gsii, deno d Dorothea Strauss, wu 2005 vu de Felicity Lunn abglest wore isch. Vu 2008 bis 2016 het d Caroline Käding de Kunschtverein gleitet.[2] 2016 isch de Heinrich Dietz ire Noofolger as Direkter wore, wu vorher as Kurator an de Kestnergsellschaft un am Museum Kurhaus Kleve gschafft het.[3]
Kunschthalle
[ändere | Quälltäxt bearbeite]Langi Johr het de Kunschtverein verschiden Unterkimft residiert, unter anderem im Großherzoglige Palais, im alte Schuelgebei St. Ursula, in de ehmolige Hauptwach am Minschterblatz un no Karlsblatz. In de Zitt vum Erschte Weltkrieg isch Friburg ständig bombardiert wore, vil Gebei sin in Lazarett umgwandlet wore, so au 1915 de 1896 provisorisch noodräglig us Holz baute Oberliechtsaal vum Kunschtverein am Karlsblatz. Wege dem isch unter em langjährige Vorsitzer August Gruber de Bau vun ere Kunschthalle firschidriwe wore. Drei Stifter – de Fabrikant Adolf Mez, de Wiihändler, Guetsbsitzer un Riichsdagsabgordnete Josef Hebting un de Zahndokter Karl Günther – hän Vermege in Stiftunge zuegunschte vun eme Neibau iibrocht ghet, wu in dde Zwischezitt uf 100.000 Mark aagwachse gsii isch. Zerscht het newe de AOK am Fahnebergblatz sotte baut were, no isch s awer uf d Friedrichstroß (hite Friedrichring) as Baugrundstuck nusglofe. S het awer au kritischi Stimme gewe, wu unter anderem kritisiert hän, ass alti Baim hän solle gfällt were. As Siger us eme Wettbewerb isch de Entwurf vum Friburger Architekt Rudolf Schmid firigange. 95.000 Mark sin as Bausumme fixiert wore, fir nootregligi Winsch wie Unterkellerung sin speter nomol 5.000 Mark dezuekumme. In de Zitt vum Krieg isch baut wore un am 15. Dezember 1915 isch de Kuppelbau an de Stell ufgmacht wore, wu bis 2016 s Sigesdenkmol gstande isch. Am 27. November 1944 isch er gschlisse wore. Vu 1948 bis 1953 het s Jugendhilfswerch s provisorisch hergrichtet Erdgschoss brucht, voreb d Kunschthalle abgrisse wore isch.[4]
Mariebad
[ändere | Quälltäxt bearbeite]1997 isch de Verein ins Mariebad in de Dreisamstroß zoge. Hauptuusstellungsruum isch di ehmolig Groß Schwimmhalle mit ihre Galeri, wu mit ere Flechi vu 400 m² bi re Deckehechi vi niin Meter un Beliechtung dur e großflächig Oberliecht Ruum fir großi Inschtallatione bietet.[5] S urspringlig Mariebad isch e Jugedstilgebei noch eme Entwurf vum Friburger Architekt Joseph Ruh, un wird hite vum Friburger Kinder- un Jugedtheater as Spielstätt brucht. Di Groß Halle isch 1938 as Aabau uf em Nochbergrundstuck errichtet wore un isch hite d Herberg fir dr Kunschtverein.[6]
Uusgstellti Kinschtler*ne (Uuswahl)
[ändere | Quälltäxt bearbeite]- 1907 Kinschtlergruppe Die Brücke
- 1917 Adolf Hölzel un si Krais
- 1935 Karl Hofer
- 1941 Wilhelm Schnarrenberger
- 1949 Franz Marc
- 1950 Erich Heckel, Otto Dix, Georges Rouault
- 1951 Aristide Maillol, Gabriele Münter, Ecole de Paris, Max Bill
- 1952 Max Beckmann, Pablo Picasso
- 1953 Henri Matisse
- 1954 André Masson, Julius Bissier
- 1955 Hans Arp, Sophie Taeuber-Arp, Marc Chagall
- 1956 Fernand Léger, Robert Delaunauy
- 1959 Henri Michaux
- 1960 Karel Appel
- 1961 Wols
- 1962 Emil Schumacher, Eduardo Paolozzi
- 1966 Cy Twombly
- 1968 Lucio Fontana
- 1975 Joseph Beuys
- 1981 Anselm Kiefer, Markus Lüpertz
- 1982 Jochen Gernz, Christiane Möbus
- 1983 Claes Oldenburg, Ika Huber
- 1984 Jasper Johns, Georg Baselitz
- 1988 John M. Armleder, Christian Marclay, Oliver Mosset
- 1989 Thomas Bayrle
- 1998 Jochen Lempert, Thomas Demand
- 1999 Klaus Merkel, Markus Schinwald
- 2003 Daniele Buetti, Matti Braun, Tatjana Trouvé
- 2004 Christoph Büchel
- 2007 Susanne Kühn
- 2009 Ayse Erkmen
- 2012 Rob Pruitt
- 2014 Mark Grotjahn
Literatur
[ändere | Quälltäxt bearbeite]- Dirk Görtler: 181 Jahre Kunstverein Freiburg (1827-2008). Kunstverein Freiburg, Freiburg im Breisgau 2008.
- 25 Jahre Kunstverein Freiburg im Breisgau : vom Kriegsende 1945 bis zur 850-Jahrfeier der Stadt Freiburg 1970. Kunstverein Freiburg, Freiburg im Breisgau 1970.
Weblink
[ändere | Quälltäxt bearbeite]
Commons: Kunschtverein Friburg – Sammlig vo Multimediadateie- Offizielli Website vum Kunschtverein Friburg
- Kunstverein Freiburg uf kunstaspekte.de
Fueßnote
[ändere | Quälltäxt bearbeite]- ↑ Unser e.V. – Kunstverein Freiburg. In: art vom 1. Oktober 2008.
- ↑ Volker Bauermeister: Vernehmliches Aufatmen. In: Badische Zeitung vom 28. Juni 2008.
- ↑ Badische Zeitung: Heinrich Dietz neuer Direktor des Kunstvereins - Freiburg - Badische Zeitung. Abgruefen am 15. April 2020.
- ↑ Frank Zimmermann: Als mitten im Krieg in Freiburg eine Kunsthalle gebaut wurde. Badische Zeitung, 22. Dezember 2017, abgruefen am 14. März 2019.
- ↑ Kunstverein Freiburg - Profil
- ↑ Neuer Nutz in altem Putz: Theater im Marienbad. In: Fudder.de vum 18. Dezember 2007.
Koordinate: 47° 59′ 26,7″ N, 7° 51′ 5,3″ O
|
Dä Artikel basiert uff ere fräie Übersetzig vu dere Version vum Artikel „Kunstverein_Freiburg“ vu de dütsche Wikipedia. E Liste vu de Autore un Versione isch do z finde. |