Kunstmuseum Bärn

Us der alemannische Wikipedia, der freie Dialäkt-Enzyklopedy
Kunstmuseum Bern

Fassade vom Bärner Kunstmuseum

Date
Ort Bärn
Art Kunstmuseum
Archidekt Eugen Stettler
Eröffnig 1879
Bedriiber Stifdig Kunstmuseum Bärn
Leitig Matthias Frehner
Website www.kunstmuseumbern.ch

S Kunstmuseum Bärn isch e Kunstmuseum in dr Schwiizer Stadt Bärn.

Gschicht[ändere | Quälltäxt bearbeite]

Dr Grundstock zur Sammlig bilde e Dotzed Gmäld, wo 1821 vom Kanton Bärn kauft worde si. Schwerpünkt si hüte s italiänische Trecento (z. B. Duccio di Buoninsegna), bärnischi Kunst sit em 15. Johrhundert (Niklaus Manuel, Albert Anker, Ferdinand Hodler), französischi Kunst vom Eugène Delacroix und Gustave Courbet bis Salvador Dalí und André Masson, em dütsche Expressionismus um e Ernst Ludwig Kirchner und neueri Kunstrichdige vom Jackson Pollock bis in d Gegenwart.

Im Kunstmuseum Bärn befindet sich dr Nochlass von Adolf Wölfli. E zweite Nochlass, e grosser Deil vom Wärks vom Paul Klee, isch in s Zentrum Paul Klee überfüehrt worde, wo am 20. Juni 2005 eröffnet worden isch. Wärk vom Künstler het s aber immer no im Bestand vo dr Sammlig wie zum Bischbil si Meisterwärk vo 1932, «Ad Parnassum».[1]

Mit eim oder mehrere Wärk si verdräte im Kunstmuseum Bärn usserdäm:

S hütige Gebäud vom Kunstmuseum an dr Hodlerstrooss 8–12 isch vom 1876 bis 1878 under em Eugen Stettler baut und 1879 bezoge worden. An dr Fassade het s zwei Rundmedaillons vom Raphael Christen, wo dr Zeus und d Minerva darstelle. Vo 1932 bis 1936 isch under de Archidekte Karl Indermühle, Salvisberg und Brechbühl en Aabau baut worde, und e zweiti Erwiiterig, anstell vom sogenannte Salvisberg-Bau, isch 1983 dur s Bärner Atelier 5 realisiert worde. E wiitere Aabau für die grossi Sammlig vo zitgenössischer Kunst isch in Blanig.

Weblingg[ändere | Quälltäxt bearbeite]

 Commons: Kunstmuseum Bern – Sammlig vo Multimediadateie

Fuessnote[ändere | Quälltäxt bearbeite]

  1. Ad Parnassum – Die Ausstellung rund um das Meisterwerk (2008) Archivlink (Memento vom 20. Novämber 2011 im Internet Archive): paulkleezentrum.ch, abgrüeft am 10. Januar 2011

Koordinate: 46° 57′ 4″ N, 7° 26′ 36″ O; CH1903: 600358 / 200003

Dä Artikel basiert uff ere fräie Übersetzig vu dere Version vum Artikel „Kunstmuseum_Bern“ vu de dütsche Wikipedia. E Liste vu de Autore un Versione isch do z finde.