Konstanzer Fasnacht aus dem Konzil

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Bodeseealemannisch
Es Konzilgebäude in Konstanz

D Konstanzer Fasnacht aus dem Konzil isch e Saal-Fasnet-Veranstaltig, wo im Konzil-Gebäud vu Konschdanz jeds Johr zehn Dag vor em Schmotzge Dunschdig in Boddeseealemannischer Sproch abghalte und vum SWR/SR-Fernsähe ibbertragge wird.

Gschicht[ändere | Quälltäxt bearbeite]

Seit ibber 20 Johr wird selle Saalfasnet vu de Narrengesellschaft Niederburg und de Kamelia Paradies uffgführt. Es sind immer Konschdanzer Muettersprochler, wo us de Stadt oder em Landkreis Konschdanz kummet und au d lokale Ereignisse ufs Korn nämmet.[1] Es findet im obere Konzilsaal in Konstanz statt und hot 800 koschtümierte Zuschauer.[2] Zwische 0,7 und 1,2 Millione Fernsehzuschauer lueget des in ganz Deutschland a. Dees sind it nur Zuschauer vu Baden-Württemberg, dees sind au welle us de übrige Länder vu Deutschland.[3][4]

Bsunderheite[ändere | Quälltäxt bearbeite]

Im Hintergrund vu de Bühn isch de Boddesee in Narrefarbe mit sinnem Ufer und de Schweizer Berg und de Insele abgbildet. A paar Sehenswürdigkeite us Konschdanz sind zu erkenne: d Imperia, es Konzilgbäude und d Tore. D Froschenkapelle us Radolfzell spilt en Mix us Guggemusi und Jazz uff d traditionelle Art. D Wortbeiträg sind zwische kabarettistisch, Apell a d Toleranz und Menschlichkeit und blosem Verseckele. Bsundere Texschtbeiträg hot bis 2015 d Sigrun Mattes brocht.

Konstanzer Fasnacht usem Konzil bi youtube[ändere | Quälltäxt bearbeite]

Quelle[ändere | Quälltäxt bearbeite]

  1. Fasnet usem Konzil bi de Narregsellschaft Niederburg. Archiviert vom Original am 15. Februar 2016; abgerufen am 27. Januar 2016.
  2. Ho narro aus Konstanz. In: Südkurier vum 27. Januar 2016. Autorenkürzel (rau).
  3. Jörg-Peter Rau: Fernsehfasnacht schafft Trendwende. In: Südkurier vum 28. Januar 2016.
  4. Jörg Peter Rau: Zuschauer belohnen Konstanzer Narren. In: Südkurier vom 16. Februar 2017.

Weblink[ändere | Quälltäxt bearbeite]