Klaus Schädelin

Dr Klaus Schädelin (* 17. Sebdämber 1918 z Bärn; † 13. Dezämber 1987 am gliiche n Ort) isch e Schwiizer reformierte Pfarrer, Bolitiker u Schrifdschdeller gsii.

Nach siim Teologiischdudium a de n Unis z Bärn u z Basel isch er vo 1945 bis 1947 Vikar z Attiswil u vo 1947 bis 1949 Pfarrer z Hünibach gsi u hed nächär nüün Jaar lang as Pfarrer ar Petrus–Chile z Bärn gschaffed. 1955 hed er siis berüemtischde Wärch, ds Jugendbuech Mein Name ist Eugen, veröffendlechd, wo me 2004 druus e Fium gmachd het. 1958 isch er as Verdrätter vor nöi gründete Bartei Junges Bern i Bärner Gmeindraat gwählt worde. Vo 1962 bis 1970 isch er o no im Bärner Grosse Raat gsii. 1973 hed er sech nach emne Härzinfarkd bensioniere laa.

Gmeinsam mid em Afrikakenner René Gardi isch er 1960 nach Syrie greisd, wo denn s Buech Wenn Sie nach Syrien gehen entschdange n isch. 1973 isch er Gründigsmitgliid vor Schdifdig Terra Vecchia u ire n eerschde Bresidänt gsii. Vo 1983 bis 1985 isch er Teggschdschriiber u Moderator für d Satiiresändig Zytlupe vom Schwiizer Radio DRS 1 gsii.

Werk

Mein Name ist Eugen. Zwingli, Zürich 1955; TVZ, Zürich 30. A. 2009, ISBN 978-3-290-11470-1
Wenn Sie nach Syrien gehen (Foti vom René Gardi). Scherz, Bern 1961
Bern von oben herab (Text zue Foti vom Fernand Rausser). Benteli, Bern 1976
Zeitlupe – Zytlupe. Cosmos, Muri bei Bern 1986

Weblink

Christoph Zürcher: Schädelin, Klaus. In: Historisches Lexikon vo dr Schwiiz.
Film: Mein Name ist Eugen
Stiftung Terra-Vecchia
Churzbiografii vom Klaus Schädelin im „Nonkonformismus Archiv vom Fredi Lerch.“ Schwiizerischs Literatuurarchiv, 2011.

Dä Artikel basiert uff ere fräie Übersetzig vum Artikel „Klaus_Schädelin“ vu de dütsche Wikipedia. E Liste vu de Autore un Versione isch do z finde.