Klaus Burger

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Klaus Burger 2013

Dr Klaus Martin Burger (* 7. Augschte 1958 z Meenga) isch e dytsche Bolitiker (CDU). Syt 2012 isch er Mitglid vum Landdag vu Bade-Wirttebärg.

Lääben un Beruef[ändere | Quälltäxt bearbeite]

Dr Burger isch z Dãnga uf d Grund- un Hauptschuel gange un het derno di Mittler Ryfi gmacht. No dr Schuel isch er z Sulga uf di chaufmännisch Beruefsschuel un het si 1977 mit em Abschluss as Bankchaufmann verloo. Noch em Wehrdienscht vu 1977 bis 1978 z Dorastadt het er vu 1978 bis 2002 as Bankchaufmann un Filiallaiter gschafft. Anne 2003 isch er Gschäftsstellelaiter vum Buureverband Bibra-Simmerenga wore, 2011 dert Chraisgschäftsfierer.

Dr Burger isch ghyrote un het drei Chinder.

Bolitik[ändere | Quälltäxt bearbeite]

Dr Burger isch syter anne 1994 Gmairot z Dãnga. Dert isch er syt 1999 au stellverdrättende Burgermaischter un syt 2002 Vorsitzer vum CDU-Gmaiverband. Anne 2009 isch er in dr Rot vum Landchrais Semmerenga gwehlt wore. Syt 2012 isch er stellverdrättende Vorsitzer vu CDU-Chraisverband z Semmerenga. Am 3. Juli 2012 isch dr Burger fir di uusgschide Tanja Gönner as Abgordnete in dr Landdag vu Bade-Wirttebärg noogruggt, wun er dr Wahlchrais 70 Semmerenga verdrätte duet.

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vu dere Version vum Artikel „Klaus_Burger“ vu de dütsche Wikipedia. E Liste vu de Autore un Versione isch do z finde.