Chilchbèèrger Schwinget

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Chilchbèèrger Schwinget oder Chilchbèèrg-Schwinget isch e Schwingfescht, wu alli sechs Johr z Chilchbèèrg bi Züri stattfindet. S het e bsundere Status unter dr iberregionale Schwingfescht, wel do nume di sächzg beschte Schwinger vu dr Schwyz, im Schwingerjargon «di ganz Böse», yyglade wäre. Wäge däm giltet e Siig am Chilchbèèrger Schwinget as schwiiriger wie ne Siig bim Aidgnessische Schwing- un Älplerfescht un bringt dodermit au ne hechere Status.[1]

Dr Chilchbèèrger Schwinget isch dur dr Chilchbèèrger Jurischt Emil Huber (1879–1938) grindet wore. Di erscht Uusdragig isch anne 1927 vum Fritz Hagmann gwunne wore. Anne 1933 het dr Huber derno ne Stiftig mit 15'000 Fr. yygrichtet zum alli baar Johr z Chilchbèèrg e Schwingfescht z veraastalte.[2]

Dr Chilchbèèrger Schwinget wird alli sechs Johr im Septämber uf em Guetshof «Uf Stocken» z Chilchbeèèg durgfiert. S Schwyzer Färnseh iberdrait en live.

E Bsunderhait vum Chilchbèèrger Schwinget isch, ass d Schwinger un au d 12'000 Bsuecher nume uf Yyladig derfe chuu.

Siigerlischt[ändere | Quälltäxt bearbeite]

Rekordhalter isch dr Karl Meli, wu mit syne Siig 1967 un 1973 as ainzige Schwinger zwaimol dr Chilchbèèrger Schwinget gwunne het.

Fueßnote[ändere | Quälltäxt bearbeite]

  1. Die Arena in Kilchberg ist bereit für "die ganz Bösen", Tages-Anzeiger 3. September 2008
  2. Kilchbergerschwinget.ch: Stiftung
  3. König Matthias Sempach jubelt beim Kilchberger Schwinget dank Blitzsieg Aargauer Zitig vom 7. September 2014

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vu dere Version vum Artikel „Kilchberger_Schwinget“ vu de dütsche Wikipedia.

E Liste vu de Autore un Versione isch do z finde.