Kennedy Space Center

Us der alemannische Wikipedia, der freie Dialäkt-Enzyklopedy
Hops zue: Navigation, Suech
KSC - Complex 39, Blick in Richtig Nordost/Atlantik
Charte vu Cape Canaveral mit em Kennedy Space Center (grau) un dr Cape Canaveral Air Force Station (grüen)
Launch Complex 39 mit em Vehicle Assembly Building in dr Bildmiddi
Shuttle Atlantis uf em Wäg zue dr STS-36-Mission
Dialäkt: Markgräflerisch (Ebringe)

S' John F. Kennedy Space Center (KSC) isch dr Weltruumbahnhof vu dr NASA am Cape Canaveral uf Merritt Island, Florida. Vo du us sin sit em Dezember 1968 alli bemannte Ruumflüeg vu dr USA gstartet, zuerst d'Apollo-Missione und sit 1981 d'Space Shuttles.

Lag[ändere | Quälltäxt bearbeite]

S'55 km lang un 10 km breit Glände umfasst rund 567 km². Es lit bi dr geographische Koordinate 28° 35' 7" N, 80° 39' 3" W. Im KSC schaffe 17.000 Lüt. Demit stellt es fer d'Region e nit uerhebliche Wirtschaftsfaktor dar. Mit eme grosse Besuecherzentrum un gfüehrte Toure yber s'Glände isch s'KSC au e wesetliche Aziegigspunkt fer Touriste.

Wil vili Beriiche vum Gelände nit zledscht us Sicherheitsgründe gsperrt sin, dient s'Areal au als e Hort fer vili gschützti Wilddierer. So läbe yber 5000 Alligatore uf em Glände un agäblich au dr amerikanisch Wappevogel, dr Wisschopfseeadler, dem si Nest mer uf gfüehrte Toure sogar vu wittem sähe cha (sagar mit Adler, was ime kritische Beobachter an so eim vu Pathos volle Ort eweng verdächtig vorchummmt). D'Nordspitze vu dr Insel isch fer s' Merritt Island National Wildlife Refuge reserviert, wo mer au echti Manatis (Seechüeh) beobachte cha un in menke Zone Obacht gä muess, nit im e Alligator yber dr Wäg z'laufe. Zahlriich sin au viili Sorte vu Wasservögel.

Direkt agrenzend uf ere südöstlich vorglagerte Halbinsle isch s'Glände vu dr Cape Canaveral Air Force Station (CCAFS) vu dr U.S. Air Force. Dert werre Satellite fer militärischi, aber au kommerzielli Zwecke gstartet. Bis im Oktober 1968 sin vu dert au die bemannte Weltruummissione vu dr USA (Mercury, Gemini un Apollo- VII) gstartet.

Ufbau[ändere | Quälltäxt bearbeite]

S'Kennedy Space Center bestot us vier Beriiche: D'KSC Industrial Area, dr Launch Complex 39 mit sine beide Startrampe LC-39A un LC-39B sowie dr Shuttle Landing Facility. Dezue chummt e Besuecherzentrum fer Touriste.

In dr KSC Industrial Area sind Verwaltigsbaute vu dr NASA sowie Zueliferfirme underbrocht. Do befindet sich au die Space Station Processing Facility fer die international Ruumstation ISS, sowie s' Operations & Checkout Building wo im obere Stockwerch d'Astronaute wohne, wenn si sich zue dr Tests oder vor em Start in Florida ufhalde.

Launch Complex 39[ändere | Quälltäxt bearbeite]

Launch Complex 39, rechts im Bild z'sähe, sich fer d'Apollo-Missione zum Mond baut worre. Im Vordergrund, am undere Bildrand, befinde sich d'Werkstattbaute un s'Kontrollzentrum, eweng links d' Orbiter Processing Facility, wo glandeti Ruumfähre drin gwartet werre. Alles yberragend im Middelpunkt stot s' Vehicle Assembly Building (ursprünglich: Vertical Assembly Building), wo Montageplätz ("High Bays") fer vier Rakete vum Typ Saturn V bitet un hüt fer d'Montage vum Space Shuttle mit em externe Tank und dr Hilfsrakete dient. An dr Südsite vum Hauptbau schließt sich e nidrigere Werchstattbau ("Low Bay") a, under anderem fer d'Raketemotore vum Space Shuttle. Dr Gsamtkomplex isch 160 Meter hoch un stot uf ere Flächi vu 218 mol 158 Meter.

High Bay 1 un 3 befinde sich uf dr östlichen Site (in dr Richtig vum Atlantik), High Bay 2 un 4 gegenyber uf dr westliche Site. Wil lang nit so vil Starts durgfüehrt worre sin wie adenkt, sich d'High Bay 2 numme ei einzigs Mol un d'High Bay 4 nie fer d'Montage gnutzt worre. Hüt befindet sich in sällere Hälfti vum Bau e Lager. Die 139 Meter hoche Tore besten us sibe einzelne Segmente, wo fer d'Öffnig einzeln nooch obe gfahre werre.

D'Südflanke vum Gebäudi isch anno 1976 zum 200-jährige Burtsdag vu dr USA mit ere 64 mol 33,5 Meter breite US-Flagge bemolt worre. Jeder Strife vu dr Flagge isch so breit wie e Bus. Wil s'Vehicle Assembly Building nit klimatisiert isch, hän sich am Afang bim nit grad seltene füchte Wetter regelmässig Rägewolke under dr Decki bildet, was mit em Ibau vu ere Entfüchtigsalag behobe worre isch.

Vum Vehicle Assembly Building us füehre zwei Schotterspure fer die Crawler Transporter ebba 6 km nord-östlich in d'Richtig vu dr Startplätze A (Süd) un B (Nord) an dr Atlantikchüste. S'KSC besitzt zwei vu dene riisige Raupe, mit dene die bis uf dr Flüssigtribstoff startfertige Rakete un Shuttles zue dr Startplätze gfahre werre. D'Transporter sin mit 2721 Tonne Gwicht un 40 mol 35 Metern Grössi die zweitgrösste lenkbaren Landfahrzüg vu dr Welt un bruche fer d'Strecki zue dr Startplätze bi maximal 1,6 km/h fümf Stunde. Es isch numme nit nu fer domoligi Verhältnisse e technischi Meisterleistig, die 110 Meter hoche Saturn V-Rakete ufrecht stehend nit nu zue dr Startplätze z'fahre, sundern au noch die 5%-Stigig zue dr Startplätze uffi ufallfri z'bewege.

Startrampe LC-39A un LC-39B[ändere | Quälltäxt bearbeite]

Die beide Startrampen LC-39A un LC-39B werre abwexelnd gnutzt - sofern mer des bim jetz sehr uregelmässife Shuttle-Betrib sage cha. Si befinde sich wänigi Meter hinder em Atlantikstrand, ca. 2,7 km vunenander entfernt. Wil d'Space Shuttles bi wittem nit d'Höchi vu dr Saturn V-Rakete hän, isch dr ursprünglich Grüstturm chürzt worre un bildet jetz die (ohni Blitzableiterstab) 81,3 Meter hoch Fixed Service Structure, wo sämtlichi Versorgigssträng drin zum Space Shuttle verlaufe. Die Rotating Service Structure cha wie e Schutzhube yber's Space Shuttle idrillt werre un dient, näben em Wetterschutz, fer d'Beladig vu dr Transportluke vum Shuttle.

Um d'Alage wie au s'startend Gfährt vor dr zerstörerische Schallwelle z'schütze, werre bim Start innerhalb vu wänige Sekunde meh wie 1 Million Liter Wasser uf dr under Berich gsprüht. Trotzdem hän d'Starts vu dr Saturn V in dr ebba 20 Kilometer entfernt uf dr andere Site vu dr Bucht ligende Stadt Titusville regelmässig Fensterschibe berste lo.

In dr nord-östliche bzw. nord-westliche Ecke befinde sich die runde Tribstofftanks fer Wasserstoff un Sürstoff, wo jewils ugfähr 3,3 Millione Liter chühlts Flüssiggas enthalde. Dr extern Tank vum Space Shuttle wird wäge dr Explosionsgfahr erst churz vor em Start us dene beide Rundtanks befüllt.

Shuttle Landing Facility[ändere | Quälltäxt bearbeite]

3,2 km nordwestlich vum Vehicle Assembly Building befindet sich d' Shuttle Landing Facility, wo im Wesetliche us dr 4572 Meter lange un 91 Meter breite Landebahn bestot. Es isch mit dr Orbiter Processing Facility yber e Asphaltstrecke verbunde. Sott s'Space Shuttle ame andere Ort glandet si, wird's Huckepack mit ere umbaute Boeing 747 zum KSC brocht un direkt an dr Landebahn mit dr Mate/Demate Device vum Transportfluegzüg trennt.

KSC Visitor Complex[ändere | Quälltäxt bearbeite]

Dr Raketegarde

Dr KSC Visitor Complex vor dr Tore vum KSC dient als Informationszentrum fer Touriste. S'Imax-Kino het u.a e beidruckende 3-D-Film yber die International Ruumstation. Im Raketegarde sin Rakete vu alle Generatione, agfange mit em Noochfolger vu dr dytsche V2 sowie (im agrenzende Museum) e benutzti Ruumchapsle us dr 60er Johre usgstellt. Dr KSC Visitor Complex bitet Füehrige dur sini Usstellige a un isch Startpunkt fer underschidlichi Bustoure yber s'KSC-Glände, bi dene au s'Apollo/Saturn V Center agstyrt wird. Dert befindet sich in ere Halle in abtrennte Stufe eini vu dr zwei verblibene Saturn-V Rakete, e Moauto un au e Mostei hinder Glas, sowie einigi Chapsle vu Mondmissione, under anderem au vu Apollo 13. Im e chleine Theater wird e Saturn V-Mission vum Start bis zue dr Landig uf em Mo noochgstellt. Im Middelpunkt sten debi die amerikanische Astronaute, wo uf em Mo glandet sin, wäniger die dytsche Konstrukteure vu dr Rakete, au wenn dr Raketegarte s'Schaffe vum Wernher von Braun vu dr V2 bis zue dr Saturn V zeigt. Vume Ussichtsturm het mer usserdem e phantasischi Sicht uf s'wittlaifig Glände sowohl vum zivile als au vum militärische Deil vum Startplatz.

Dr Besuech vum KSC isch e absolutes Muess fer jede Bsuech in Middelflorida, schliesslich isch vu dert us die erst Reis vu irdische Läbewese zu eme andere Himmelskörper usgange. S'Bsuecherzentrum schafft ybrigens meh wie chostedeckend mit dr Itrittsgelder vu sine Bsuecher.

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Kennedy_Space_Center“ vu de dütsche Wikipedia.

E Liste vu de Autore un Versione isch do z finde.