Katrin Altpeter

D Katrin Altpeter (* 6. Novämber 1963 z Woeblenge) isch e dytschi Bolitikeri (SPD) un vu 2001 bis 2016 Mitglid vum Landdag vu Bade-Wirttebärg gsii. Vum Mai 2011 bis Mai 2016 isch si Landesminischteri fir Arbet un Sozialornig, Familie, Fraue un Seniore im Kabinett Kretschmann I gsii.

Uusbildig un Beruef

No ihre Schuelzyt an dr Grundschuel z Woeblenge-Nuistadt un am Saliergymnasium z Woeblenge het d Katrin Altpeter vu 1984 bis 1986 e Uusbildig zur Altebflägeri absolviert. Derno het si in dr ambulante un stationäre Bfläg gschafft un het vu 1990 bis 1992 e Uusbildig zur Lehreri fir Bflägeberuef. In däm Beruef het si vu 1992 bis 1996 un vu 1998 bis 2001 gschafft. Vu 1996 bis 1998 het si dr Ambulant Bflägedienscht vu dr Arbaiterwohlfahrt z Backene glaitet. Syt 2007 isch si Lehrbeufdraiti an dr Katholische Fachhochschuel Fryybeg.

Bolitik

D Katrin Altpeter isch anne 1989 in d SPD yydrätte. Vu 1989 bis 1999 isch si Ortschaftsreti un stellverdrättendi Ortsvorsteheri z Woeblenge-Nuistadt gsii, vu 1994 bis 1999 au Gmaireti z Woeblenge. Syt em 17. April 2001 isch d Katrin Altpeter Landdagsabgordneti fir d SPD im Wahlchrais Woebnlenge. Si isch stellverdrättendi Fraktionsvorsitzendi un Mitglid im Petitions- un Sozialuusschuss gsii. Derzue isch si syt 2001 Ortsverainsvorsitzendi vu dr SPD Woeblenge un vu Juni 2002 bis 2006 Vorsitzendi vu dr SPD-Chraisdagsfraktion im Rems-Murr-Chrais gsii.

Am 12. Mai 2011 isch si as Minischteri fir Arbet un Sozialornig, Familie, Fraue un Seniore vu dr grien-rote Koalitionsregierig veraidigt wore.

Zue dr Landdaagswahl 2016 isch si vu ire Bartei nit uf e uussichtsryche Blatz gwehlt wore, si isch derno nimi in Landdag gwehlt wore.

Familie

D Katrin Altpeter isch evangelisch un het e Dochter. Vu 2002 bis 2016 isch si mit ihrem ehmolige Fraktionskolleg Florian Wahl liiert gsii.

Weblink

Commons: Katrin Altpeter – Sammlig vo Multimediadateie

Uuszug us em Abgordnete-Handbuech vum Landdag vu Bade-Wirttebärg (PDF-Datei; 101 kB)

Dä Artikel basiert uff ere fräie Übersetzig vum Artikel „Katrin_Altpeter“ vu de dütsche Wikipedia. E Liste vu de Autore un Versione isch do z finde.