Kategorie Diskussion:Artikel uf Elsassisch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Ich find's e weng blöd dass all die Ortstumpe unter Elsässisch uffgfiert sin. Mer findet eso die andre Artikel gar nümm. Ich find en Artikel sött mindestens ei ganze Absatz Teggst ha, bevor mer eso e Vorlage yneduet. --Terfili 10:37, 23. Jun. 2011 (MESZ)

QsiconSupporting.svg Pro -- Badener  10:53, 23. Jun. 2011 (MESZ)
QsiconOppose.svg Contra un au wänn des jetz natyrli niemer glaubt: ich stimm do nit dergege, wel s um Artikel vu mir goht. D Frog isch fir mii ender, was soll die Dialäkt-Vorlag (un dermit verbunde die ganze Kategorie "Artikel uf xy-Dialäkt") iberhaupt bringe? Wänn s jetz nur drum goht, fir unsri franzesisch Pressemitdailig e Lischt mit uusgwehlte Artikel uf Elsässisch z präsentiere, no bruche mer do nit in 1800 Artikel die Vorlag uusenee, no chenne mer au ne extra Syte doderfir aalege. No isch s besser, wämer aifach nur e Link uf s Portal:Elsass aagän, do het s nämli au fascht nume Artikel uf Elsässisch din. Wänn e sonigi Kategori aber Läser zaige soll, weli Artikel git s in eme bstimmte Dialäkt, wieso soll mer do derno eso ne Qualitätsuuswahl dräffe? Am Änd siht s derno so uus, wie wänn s nume 50 Artikel uf Elsässisch gäbt vu insgsamt 10000 Artikel, des stimmt aber nit. Ganz abgsäh, dass i jetz zum Byschpel dr Artikel Stroßburi au nit besser find wie die ganze sunschtige Ortsartikel, dää isch nur lenger.
D Frog isch fir mii, solle mer die ganze Dialäktvorlage nit besser sogar ganz abschaffe? --Holder 11:07, 23. Jun. 2011 (MESZ)
S letschte isch e gueti Frog. Was isch de Grund für d Iiführig gsi? -- Badener  11:12, 23. Jun. 2011 (MESZ)
Da die Ortsartikel (zwangsläufig - in Frankreich erst recht) sehr zahlreich sind, wäre es eigentlich sinnvoll, eine Unterkategorie zu erstellen (aber jeweils im Artikel?? in der Vorlage??) Dialektvorlage abschaffen? - Negativ!! Mega-QsiconOppose.svg Contra!! (Ich hoffe, ihr erschaudert! Ich redd hàlt öi emol wii mr dr Schnàwwel gwàchsen-ésch!)--Stephele 11:17, 23. Jun. 2011 (MESZ)
Also wänn's dir ällwell um en Werbegag goot, wie vil Artikel es in däm un däm Dialäkt het, no isch's natürli besser es isch in jedem Artikel e Dialäktvorlag. Ich denk aber wenn öber die Kategorie aaluegt, no wott er vorallem Artikel uff Elsässisch finde, wyl er sich für d Sprooch interessiert, un nit wyl er wisse wott wie vil Artikel es het. Aber: in denne Ortsstumpe stoot eifach immer s glych! Di glyche Sätz un di glyche Wörter. Un die Artikel vo de Mireille, vum Stephele, André Nissele usw, wo mer in jedem Artikel en neue Satz un e neus Wort findt, findt mer in dere Kategorie gar nümm, wyl si vilycht 5-10% ussmache. Qualitätsusswaal isch doch ganz eifach: jede Artikel wo wenigstens en paar eigni Sätz het, wo nit au in 10 andri Artikel so stönn. Ich chumm druff, wyl ich ha grad welle für d Pressemitteilig zwei Byspil für zwei verschidni Elsässer Dialäkt welle finde, aber eso findt mer numme dyni Stumpe! --Terfili 11:20, 23. Jun. 2011 (MESZ)
Masse statt Klasse --al-Qamar 11:29, 23. Jun. 2011 (MESZ)
Ich verstand Eire Yywand scho, aber des isch halt au s grundlegend Probläm vum Wikipedia-Kategoriesystem: dass do nit gueti Artikel zum e bstimmte Thema din sin sondern alli! Fir e repräsentatvii Uuswahl vu inträssante Artikel sin wäge däm Portal yygfiert wore. Villicht chennt mer bi uns grad eso ne Portal mache: inträssanti Artikel in verschidenen Dialäkt, e Portal "Verschideni Dialäkt in dr Alemannische Wikipedia". Do chennt mer derno scheni, glungeni Artikel in allne meglige Dialäkt uusestelle und des isch jetz e ärnschthafte Vorschlag. Ich find sowiso, mir chennte no vil mee Portal mache.
P.S.: Fir Klasse statt Masse het sich au niemer inträssiert. Un fir mi isch au dr Artikel Straßburg (sorry Stephele :-)) au ender Masse statt Klasse. --Holder 11:34, 23. Jun. 2011 (MESZ)
D Idee vumene Portal fändi sehr guet (hen die alte Seckel doch au no Ideje;). Über d Dialäktkategorie findt mer Artikel sowiiso schlächt wyl joo bi nit-regionale Theme eigetli gar kei Vorlag sött sy, un es au bi regionale Theme nit alli setze. Ich find aber s Problem mit de Kategori Elsässisch (oder vilycht au bi Schwöbisch wenn's dörte glych gmacht hesch) isch e eimooligi Sach, wyl du jetz grad e paar hundert eso Artikel gmacht hesch. Wäge däm muess mer kei neui Qualitätskriterie mache, wyl es goot jo numme um ei ganz bstimmti Sorte vo Artikel. Wänn jetz en Elsässer en Artikel mit 5-Sätz macht un d Vorlag dezue macht, wär des doch gar kei Problem, es goot doch eifach um die Masse wo jetz eimoolig aagfalle isch. --Terfili 12:58, 23. Jun. 2011 (MESZ)
Villicht ignorirsch mi jo jetz weje`m Schwowweditsch, awwr, (öi wenn`s e Vorteil ésch, durich d´Commünestumpe e grossi Zahl ze hàn,) ésch`s nit mejlich én d`Vorlaa e Funktion untrzebringe fr e Untrkategorii?? (Erschaudert vor dem teutonischen Zungenschlag! - besonders einer da!)--Stephele 12:24, 23. Jun. 2011 (MESZ)
P.S.: Wàs màcht De jetz?? Genn mr zruck untr de 10000??? (gschriwwe geje 11:30 - denn untrbroche un àm Stàmmdisch reagiirt...)
@Holder: De Multidialektportal ésch e netti Idee. Un "Strassburg" ésch ... nix! - E Chantier! Trischt un wiescht! Un wenn-i do Vrantwortung hàb, no vrdräng-i se! `S gibt zuem Glick genue Entschuldigunge...--Stephele 12:24, 23. Jun. 2011 (MESZ)

Ich ha do (Benutzer:Badener/Labor/Portal:Mundarten) emol mit eme Grundgrüscht aagfange. Düent doch bitti alli mit dra schaffe, diskutiire, ... Ich ha dänkt di oberschti Iiteilig chönnt guet di vo de Hauptsite über näh, d Frog isch wo d Walser vo Italie, d Liechteschteiner und d Vorarlbärger dann ihre Platz überchömmed. No schwiriger find ich's bi de Unterkategorie, will's jo eigentlich keis Aargauerdütsch git. Wei mir völlig regionalisiere oder wie solle mir's mache? nit signierte Bydrag vum Badener, 06:47, 26. Jun. 2011‎


Ich wott jetz des Thema no emool uff de Disch bringe. Ich find nämli, dass die Kategori jetz für nüüt mee cha bruucht werde. Ich suech ab un zue emool speziell Inhalt in Dialäkt, wo bi üs änder sälte sin (zum Byspil für d „hesch gwüsst“ Rubrik), un defür chammer die Kategori jetz nümm bruuche, wyl mer praktisch numme no die Ortsartikel mit de glyche Wörter findet.

Des einzig Nutze devo isch vilycht, dass mer cha säge „lueget, mir hen au ganz vil Artikel uff Elsässisch/Schwäbisch“. Ich wüsst aber nit, was so e Zäälerei bringe sött. Ich glaub nit, dass en Läser, wo öbis uff Elsässisch läse wott, vo dere Kategorie jetz im Momänt so vil het.

Emool en anders Byspil: mir hen s Glück, dass de Cireseu öbe en Duzend Artikel in sym Walserdialäkt gschrybe het. Wemmer ein vo dänne Artikel suecht, findt mer en sehr praktisch über d Kategori Walsertiitsch. Jetz wär’s natürli kei grosse Uffwand, uss däm Walsertiitsch-Korpus e Schema für Ortsartikel zämmezstelle. Zum Byspil eso:

… (i' wailschu …, in piemontäisischu …) ist a G'mai in dar italienischu provinz van … Ds ourd häd … wounre und häd a boude va' …km². Der burgmaister ist … siters dam….

Jetz chammer demit natürli e paar hundert Artikel mache, aber wemmer die deno alli in d Kategorie Walsertiitsch yyordnet, findet mer des Duzend Artikel, wo au no andri Wörter wie die vorchömme, numme no per Zuefall. Un des wär doch schad. Uss däm Grund stelli jetz de Aatrag, dass die churze Ortsartikel uss dere Kategorie ussegno werde.

Demit des klar isch: es goot nit drum, dass mer jetz neui Kriterie yyfiert, es goot allei um d Artikel uss dänne Serieproduktione, wo grob gsait überall di glyche Wörter, un fascht numme die, vorchömme. Wänn jetz de Cireseu oder en Seisler oder sunscht öber daherechunt, un in en 5-Satz Artikel e Dialäktvorlag yybaut, no sött des natürli überhaupt kei Problem sy (nit dass jetz wiider e neui Bürokratie-Verornig dezuechunt). Des betrifft so vil ich weiss die Kategorie doo, un d Kategorie Schwäbisch. Es mien jo au nit alli usse, e paar chammer jo ruehig dinne lo.

Dass ich die Kategorie au nit für di bescht Mögligkeit halt, Artikel imene bstimmte Dialäkt z finde, isch e andri Froog, aber ich ha jetz grad au kei Alternativ zue de Dialäktkategorie. --Terfili 17:32, 23. Okt. 2011 (MESZ)

Äh ... solle mer die Diskussion jetz no mol vu vorne aafange? Ich haa dänkt, mer hätten is as Kompromiss uf eso ne Portal gainigt?
Also nomol: myy Mainig isch, dass s Kategoriesystem derzue doo isch, alli Artikel zuen eme bstimmte Thema ufzfiere, derwylscht e Portal derzue do isch, em Läser e bstimmti Uuswahl vu Artikel, z. B. vu guete un inträssante Artikel z präsentiere.
E anderi Frog isch aber, fir was git s unsri Dialäktvorlag. Soll die z. B. nume no fir Dialäkt derfe brucht wäre, wu s wenig het in dr Alemannische Wikipedia? Aber wieso aigetli? Läser, wu Artikel uf Elsässisch wänn bschaue, deet ich sowiso ender uf s Portal:Elsass verwyse, nit uf die Kategori.
--Holder 17:59, 23. Okt. 2011 (MESZ)
Isch diskutiere so schlimm? :) Des Portal steggt no in de Windle, un wird es au blybe wemmer nit dra wyterschafft. Du hesch rächt, dass in die Kategorie alli Artikel uff Elsässisch ghöre (Korrektur: alli Artikel miteme regionale Bezug), aber ich halt die Artikel mit de ewig glyche Wörter ebe nit für Elsässische Inhalt. Was het mer de devo, dass alli Artikel mit Elsässisch in dere Kategorie sin, wenn in de meiste sich wiiderhole? Vilycht grad no en Werbeeffekt, dass mir 18% Artikel uff Elsässisch hen, aber ich glaub nit, dass sich vili devo bluffe lönn. Es cha un git im übrige au Artikel uff Elsässisch un Schwäbisch, wo nit unbedingt über s Elsass handle. D Àltwaltgaijer sin zum Byspil nit uffem Portal Elsass uffgfiert, un Meteorologie git's au nit numme im Schwoobeland.
Für di Froog noochem Sinn vo derre Dialäktvorlag: ich denk die Vorlag erfüllt zwei Funktione. Zum eine findet mer Inhalt imene bstimmte Dialäkt (für des isch si aber nit bsunders nützlig, wyl uss diverse Gründ vil guete un intressante Inhalt nit cha kategorisiert werde - wänn d Kategorie aber eso vollgstopft sin, sin si defür überhaupt nit nützlig), un zweitens erfüllt die Vorlag schynts bi vile Autore en Bedürfniss, ihre Dialäkt z kennzeichne un z zeige, "des isch Elsässisch" oder "so redt mer z Obwalde". Di erschti Funktion chönnt e guets Portal übernee, wemmer's uff d Bai bringe un pflege, di zweit Funktion aber cha e Portal glaub schlächt übernee. Wie mer des Bedürfniss vo Autore chönnt befriidige, un demit vilycht au mee Lüt motiviere, weissi au nit. --Terfili 21:36, 23. Okt. 2011 (MESZ)
Nai, diskutiere isch nit schlimm, mer wänn jo schließli emol dr Donauturm iberdräffe ...
Ich glaub, mer sotte do vier Froge vun enander dränne:
1. Weli Artikel sotte in ere Kategori "Artikel uf xy-Dialäkt" ufgfiert syy?
2. In welene Artikel sott e Hiiwys din syy, in welem Dialäkt dr Artikel gschribe isch?
3. Wie wyse mer Läser uf inträssanti Artikel hii, z. B. uf Artikel in eme bstimmte Dialäkt?
4. Wie cha mer as erfahrene Wikipedianer schnäll inträssanti Artikel finde, z. B. fir "Hesch gwisst"?
Ich fang emol vu hinte aa: wänn s Dir fir "Hesch gwisst" drum goht, Artikel uf Elsässisch oder Schwebisch z finde, no chasch au no dr Artikel vu bstimmte Autore goh (im Artikelverzaichnis):
Uf Elsässisch hän z. B. gschribe: Stephele, MireilleLibmann, Rabbijacob, Hendergassler, André Nisslé un d IP 212.98.150.6.
Uf Schwebisch hän z. B. gschribe: Henri Berger, Megaflash, KaPe, Matthead, TobiasGr, Jonjon, Thor1982 un d IP 217.230.28.183.
Zu dr Froge 1 un 2: des isch nit s glych: zurzyt isch zwar d Vorlag "Artikel uf xy-Dialäkt" mit dr Kategori "Artikel uf xy-Dialäkt" verchnipft, aber des chennt mer au dränne.
Zum Dialäkthiiwys: do git s e Bedirfnis vu Autore ihri Artikel z gchännzaichne, aber au e Bedirfnis vu Läser, wu wänn wisse, in wellem Dialäkt e Artikel gschribe isch. Zurzyt isch die Vorlag nume in wenig Artikel dinne. D Regle, dass si nume in Theme mit eme regionale Bezug sott dinne syy, isch im Ibrige sowiso no nie yyghalte wore, z. B. hän vu dr Artikel uf Markgräflerisch nume di wenigschte ne regionale Bezug (s sin in dr Hauptsach Artikel vum W-j-s). --Holder 09:55, 24. Okt. 2011 (MESZ)
Zu dr Frog 1: ich find, mer sotte e Syte haa, wu alli Artikel din sin un e Syte, wu e bstimmti Uuswahl din isch. In dr Wikipedia wird so ebis gängigerwys gmacht iber Kategorie (> alli Artikel) un Portal (> Uuswahl vu Artikel). In dr Kategorie:Frau oder Kategorie:Maa het s au alli Artikel din, nit nume gueti. Eb sonigi Kategorie eme Läser ebis bringe, isch dert au nit d Frog. Wänn s Dir, Terfili, aber unbedingt drum goht, e Kategorie:Uswahl vu abwächsligsryche Artikel uf Elsässisch, wu in jedem Satz neji Werter brucht wäre un nit vum Holder gschribe wore sin, scho zwaimol nit mit sällem blede Skript z haa, no chennt mer jo eso ne Kategori aalege, fir des mueß mer nit in allne Ortsartikel vu mir die Vorlag uusenee ... --Holder 10:10, 24. Okt. 2011 (MESZ)