Karl Rudolf Wirz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Baseldütsch

Dr Karl Rudolf Wirz isch am 26. Merze 1885 z Basel uf d Wält cho und am 27. Dezämber 1957 z Basel gschtorbe. Är isch reformiert, Bürger vo Gälterchinde und Kunschtmoler gsi.

Sys Läbe[ändere | Quälltäxt bearbeite]

Dr Karl Rudolf Wirz isch dr Soon vom Adolf Wirz und der Maria Plattner gsi. Im Joor 1921 het är d Marguerite Lydia Janin vo Basel ghürotet. Är isch z Basel in d Schuel gange.

Sy Bruef[ändere | Quälltäxt bearbeite]

Dr Karl Rudolf Wirz het z Basel e Flachmolerleer gmacht, isch vo 1905 bis 1909 in die Allgemeini Gwerbschuel z Basel gange und het sich selbschtändig zum Kunschtmoler usbildet. Nodem är e paar Joor als Flachmoler gschafft gha het, het är sich im ene eigene Atelier z Basel ab 1928 ganz dr Kunscht gwidmet. Är het sich als ächte Heimetmoler profiliert und het hauptsächlig Landschafte und Stillläbe in Öl, Tempera und Pinselzeichnige gmolt. Är het Basler Stadtaasichte die schwyzerischi, elsässischi und badischi Umgäbig vo Basel, usserdem au no Szenerie us de Freybärge und im Tessin gmolt. Im Baselbiet molt är bsunders z Zeglige und drum ume vill Bilder. Regelmessig nimmt är an Usstellige in der Basler Kunschthalle und z Lieschtel teil. Es git vo ym rund vierhundert Wärk.

Literarischi Verwys[ändere | Quälltäxt bearbeite]

  • Künstler Lexikon der Schweiz 2, Sp. 1070
  • Suter Barbara in: Baselbieter Heimatbuch 10, 1966, 134-138
  • Basellandschaftliche Zeitung 14.6.1986

Extärne Verwys[ändere | Quälltäxt bearbeite]