Karl Grunsky

Dialäkt: Schwäbisch

Dr Karl Grunsky (* 5. März 1871 z Schorndorf, † 2. Auguscht 1943 em Stuegerter Stadtdoil Vaihenga) ischt a deitscher Philolog, Hischdoriker ond Musikschriftsteller gwäa.

Aus seim Leaba

Dr Karl Grunsky ischt am 5. März 1871 em wirdabergischa Städtle Schorndorf uff d Welt komma. Nôch seim Abidur hôt’r Philosophie studiirt ond 1893 uff sellem Gebiet au promoviirt. Bekannt wôrra isch der Môô abr uff ganz andre Gebiet: Zerscht hôt’r sich z Stuegert als Litradurkridiker an Nama gmacht. Neabaher hôt’r sich als Autodidakt omfangreiche Kenntnis uff-em Gebiet vo dr Musik ôôgeignet, wo-nem ermeglicht hend, omfangreiche Schrifda ibr seine Liablengskombonischda Richard Wagner, Franz Liszt, Anton Bruckner ond Hugo Wolf zo vrfassa. Vom Bruckner seine Sinfonia hôt dr Grunsky au a baar Ausziig fir zwoi Klaviir bearbeitet, wo gheerich zor Vordiafong vo deam Kombonischda seine Werk beitraga hend.

Dr Grunsky ischt Mitglied em Deutschvölkische Schutz- und Trutzbund gwea, Grendongsmitglied vom Bayreuther Bund (1920) ond seid 1930 Mitglied vo dr NSDAP.

Am 2. Auguscht 1943 hôt dr Grunsky em Stuegerter Stadtdoil Vaihenga seine Auga fir emmer gschlossa. 72 Jôhr alt ischt’r wôrra.

A kloina Auswahl vo seine Schrifda

• Musikästhetik (1907)
• Musikgeschichte des 17. Jahrhunderts (1914 isch des Werk en dr zwoida Ufflag rauskomma)
• Musikgeschichte des 18. Jahrhunderts (dô gilt s gleiche wia oba)
• Musikgeschichte des 19. Jahrhunderts (dô drvoo ischt scho 1908 de zwoid Ufflag erschiina)
• Die Technik des Klavierauszuges (1911)
• Richard Wagner und die Juden (1920)
• Das Christusideal in der Tonkunst (1920)
• Anton Bruckner (1922)

Quella

• Illustriertes Musiklexikon, rausgäa vom Hermann Abert, Verlag J. Engelhorns Nachf., Stuttgart, 1927
• Friedrich Herzfeld: Das Lexikon der Musik, Verlag Ullstein GmbH, Frankfurt am Main – Berlin – Wien (1976)
• Lueg d Weblink

Weblink

Ausfihronga zom Karl Grunsky bei Schenker Documents Online en englischer Schbrôôch