Karl Geiser
Dr Karl Geiser (* 22. Dezämber 1898 z Bärn; † 1957 z Züri) isch e Schwiizer Bildhauer gsi.
Ane 1918 het er z Bärn i sym Atelier afo schaffe. 1922 isch er uf Züri, won er i dr Stadt und zytewys au in Nochbergmeinde gläbt het; zwüschedure isch er es paar Mool is Ussland go reise; z Paris het er dr Alberto Giacometti gleert könne.
1941 het s Kunschthuus Züri syni Zeichnigen uusgstellt.
Dr Geiser het – teils nach Weppewäärb – es paar Uuftreeg für grossi Figuuren übercho. 1935 isch syn Bronzeängel im Fridhoof Roosebärg z Winterthur ufgstellt worde; uf 1938 het er die beede Figuuregruppe fürs Gimnasium im Chilefäld z Bärn gmacht, die einti drvo isch 1937 a dr Wältuusstellig z Paris zeigt worde; vo 1939 isch sy Löi vor em Zürcher Verwaltigsbou a dr Walche, d Figuur David stoot z Schaffuuse, am Schuelhuus Probschtei z Züri-Stettbach isch dr Bueb mit de Schoof über em Schuelhuusbrunne, und 1952 het dr Geiser dr Uuftraag für s Tänkmool vo dr Arbet ufem Helvetiaplatz z Züri übercho.
1957 het sech dr Karl Geiser i syre Wärchstatt s Lääbe gnoo. Er lyt uf em Fridhoof Hönggerbäärg.
No im Joor wo dr Künschtler gstorben isch het’s über sys Wäärch en Uusstellig i dr Kunschthalle z Basel ggää.
2007 isch e Teil vom Geiser sym Nochlass is Schwyzerische Kunschtarchyv z Züri choo. Syni Fotine sind i dr Fotostiftig z Winterthur.
Literatur
[ändere | Quälltäxt bearbeite]- Tapan Bhattacharya: Geiser, Karl. In: Historisches Lexikon vo dr Schwiiz.
- Hans Naef: Karl Geiser - Zeichnungen. Zürich 1959.
- Jan Morgenthaler: Der Mann mit der Hand im Auge. Die Lebensgeschichte von Karl Geiser. Limmat Verlag, Zürich 1988.
Weblink
[ändere | Quälltäxt bearbeite]
Commons: Karl Geiser – Sammlig vo Multimediadateie- Urs Hobi: Geiser, Karl. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).