Karl Borromä Bauknecht

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Karl Borromä Bauknecht (* 8. Oktober 1856 z Hundsbach bi Forbach; † 26. April 1930 z Bihl isch e dytsche Schindelmacher, Rotsschryber un Volksdichter gsii.

Lääbe[ändere | Quälltäxt bearbeite]

Dr Bauknecht isch e Suhn vum Nikolaus Bauknecht, eme Walthieter, un dr Maria Anna geb. Schnurr gsii un mit zwee Brieder un fimf Schweschtere z Hundsbach im obere Murgdal ufgwagse.

Är isch z Hundsbach uf d Volksschuel gange un het ab ca. 1870 as Waldarbaiter gschafft. Mit aafangs 20 isch er bim Wäägböu verunglickt, e Fueßverletzig het en zum Invalid gmacht. Wäge däm het en d Gmai 1877 as Rotsschryber aagstellt. Was er no bi s anne 1928 bliben isch. Dernäbe het er derhaim Schindle gmacht. Dur e Augelyde isch er anne 1910 blind wore, är het derno ne Verwandte zahlt fir zu Schrybe.

Dr Bauknecht het Gedicht, Verzellige un Theaterstuck gschribe, di maischte dervu im oberrhyalemannische Dialäkt vu Hundsbach. Verscholle sin alli syni Volksstuck, nume d Titel vun e Dail Stuck chännt mer no („Der Rossdieb“, „Der geschmuggelte Eber“, „Der Saumagengieger“ oder „Die vernagelte Kartoffel“). Au sy Manuskript iber Gschicht un Gegewart vu Hundsbach isch verscholle.

Är het aber zwee Bänd mit Gedicht un Verzellige im Sälbschtv erlag uusegee: „Hundsbacher Waldkinder“ anne 1903 un „Der Schindelmacher als Volksdichter“ anne 1904. Iber d Gedicht vum Bauknecht het dr Reiner Haehling von Lanzenauer gschribe:

„Bauknechts Gedichte handeln nicht vom großen Weltgeschehen, fast ausschließlich thematisieren sie Ereignisse und Erfahrungen aus der Waldkolonie mit ihrer Umgebung, beschreiben anekdotenhaft den dortigen Menschenschlag. Aus diesen Versen wird der Charakter des Dichters sichtbar – trotz karger Verhältnisse stets frohgemut und voll tiefgründigen Humors.“

Badische Biographien NF 5, 5

Anne 1908 het dr Karl Borromä Bauknecht z Herrenwies Rosa Egloff (1877-1936) ghyrote un het mit ire zwee Sihn un ai Dochter ghaa.

Am 26. April 1930 isch dr Bauknecht z Bihl im Alter vu 73 Johr gstorbe.

Wärch[ändere | Quälltäxt bearbeite]

  • Hundsbacher Waldkinder. 1903
  • Der Schindelmacher als Volksdichter. 1904

Weblink[ändere | Quälltäxt bearbeite]