Kai Schmidt-Eisenlohr

Dr Kai Schmidt-Eisenlohr (* 4. Oktober 1978 z Haidelberg) isch e dytsche Bolitiker (Bindnis 90/Di Griene).

Uusbildig un Beruef

Dr Schmidt-Eisenlohr het am Gymnasium Wiesloch s Abitur gmacht un derno Zivildienscht am Pfaaramt Hailig Chryz am Psychiatrische Zeäntrum Nordbade. Derno het er an dr BA Mannem Bedribswirtschaftslehr mit Fachrichtig Dienschtlaischtigsmarketing studiert un e Uuslandssemeschter z Cambridge gmacht. Noch eme Ufböustudium zum Master of Science im Beraich Wirtschaftsingenieurwäsen an dr Hochschuel Mannem het er näbe syre Arbet bi Freudenberg IT z Weinheim am Lehrstuel fir Wirtschaftsinformatik an dr TU Darmstadte zum Dr. rer. pol. promoviert. Raise dur Mittelamerika, Paleschtina un Sidamerika hän en derzue brocht, si fir Projäkt in Entwickligsländer z engaschiere. E baar Johr het er bi dr BridgingIT GmbH, eme mittelständische Berotigshuus, as IT-Beroter un Projäktmanager gschafft.

Bolitischi Laufbahn

Dr Schmidt-Eisenlohr isch in dr Schuelzyt Grindigsmitglid vu dr „Grien Alternative Juged“ z Wiesloch un Grinder vum „Arbetschrais Schuel“ vu dr Griene Juged Bade-Wirttebärg gsii un derno ain vu dr erschte Jugedgmairet z Wiesloch. Anne 1999 isch er zum erschte Mol dr Gmairot z Wiesloch gwehlt wore. Derzue isch er Scheff am Jugedgricht z Haidelberg gsii. Syter anne 2011 hockt er im Landdag vu Bade-Wirttebärg. Är isch dr erscht grien Landdagsabgortnete fir dr Landdagswahlchrais Wiesloch. Im Landdag isch er Sprächer vu syre Fraktion fir Wisseschaft, Forschig un Innovation un Vorsitzer vu Arbetschrais. Är isch Mitglid im Uusschuss Wisseschaft, Forschig un Chuscht un im Uusschuss Europa un Internationali Aaglägehaite. Derzue isch er stellverdrättend Mitglid im Präsidium, im Uusschuss fir Finanzen un Wirtschaft, im Uusschuss fir Kultus, Juged un Sport, im Innenuusschuss, im Uusschuss fir Umwält, Klima un Energywirtschaft, im Uusschuss fir Verchehr un Infrastruktur, im Petitionsuusschuss un in dr Enquetekommission „Bfläg“.

Privats

Dr Kai Schmidt-Eisenlohr isch ghyrote. Är isch 2014 dr erscht Landdagsabgordnete z Dytschland gsii, wu in Elterezyt gangen isch.

Sunschtigs Engaschmänt

Vorsitzer vum Vorstand vu dr Bürgergenossenschaft Wiesloch eG.
Stellverdrättend Mitglid vum Byrot vu dr Palatin Kongresshotel- und Kulturzentrum GmbH, Wiesloch
Mitglid bi dr Turn- und Sportgemeinschaft 1885 Wiesloch e. V.
Mitglid bi dr Stadtkapelle Wiesloch e. V.

Weblink

Commons: Kai Schmidt-Eisenlohr – Sammlig vo Multimediadateie