Kai Schmidt-Eisenlohr
| Dialäkt: Undermarkgreflerisch |
Dr Kai Schmidt-Eisenlohr (* 4. Oktober 1978 z Haidelberg) isch e dytsche Bolitiker (Bindnis 90/Di Griene). Vu 2011 bis 2016 isch er Mitglid vum Landdags vu Bade-Wirttebärg gsii.
Uusbildig un Beruef
[ändere | Quälltäxt bearbeite]Dr Schmidt-Eisenlohr het am Gymnasium Wiesloch s Abitur gmacht un derno Zivildienscht am Pfaaramt Hailig Chryz am Psychiatrische Zeäntrum Nordbade. Derno het er an dr BA Mannem Bedribswirtschaftslehr mit Fachrichtig Dienschtlaischtigsmarketing studiert un e Uuslandssemeschter z Cambridge gmacht. Noch eme Ufböustudium zum Master of Science im Beraich Wirtschaftsingenieurwäsen an dr Hochschuel Mannem het er näbe syre Arbet bi Freudenberg IT z Weinheim am Lehrstuel fir Wirtschaftsinformatik an dr TU Darmstadte zum Dr. rer. pol. promoviert. Raise dur Mittelamerika, Paleschtina un Sidamerika hän en derzue brocht, si fir Projäkt in Entwickligsländer z engaschiere. E baar Johr het er bi dr BridgingIT GmbH, eme mittelständische Berotigshuus, as IT-Beroter un Projäktmanager gschafft.
Vu 2016 bis 2019 isch er Gschäftsfierer vu dr Landesagäntur Baden-Württemberg International mit Sitz z Stuegert gsii.[1][2][3] Vu 2019 bis 2022 isch er Gschäftsfierer bi Schweickert Netzwerktechnik z Walldorf gsii.[4][5] Syt em 1. Septämber 2025 isch er CEO vu dr Skillqube GmbH.
Bolitischi Laufbahn
[ändere | Quälltäxt bearbeite]Dr Schmidt-Eisenlohr isch in dr Schuelzyt Grindigsmitglid vu dr „Grien Alternative Juged“ z Wiesloch un Grinder vum „Arbetschrais Schuel“ vu dr Griene Juged Bade-Wirttebärg gsii un derno ain vu dr erschte Jugedgmairet z Wiesloch. Anne 1999 isch er zum erschte Mol dr Gmairot z Wiesloch gwehlt wore. Derzue isch er Scheff am Jugedgricht z Haidelberg gsii. Bi dr Landdagswahl 2011 isch er in Landdag vu Bade-Wirttebärg gwehlt wore. Är isch dr erscht grien Landdagsabgornete fir dr Landdagswahlchrais Wiesloch gsii. Im Landdag isch er Sprächer vu syre Fraktion fir Wisseschaft, Forschig un Innovation un Vorsitzer vu Arbetschrais gsii. Är isch Mitglid im Uusschuss Wisseschaft, Forschig un Chuscht un im Uusschuss Europa un Internationali Aaglägehaite gsii. Derzue isch er stellverdrättend Mitglid im Präsidium, im Uusschuss fir Finanzen un Wirtschaft, im Uusschuss fir Kultus, Juged un Sport, im Innenuusschuss, im Uusschuss fir Umwält, Klima un Energywirtschaft, im Uusschuss fir Verchehr un Infrastruktur, im Petitionsuusschuss un in dr Enquetekommission „Bfläg“ gsii. Bi dr Landdagswahl 2016 isch er nimi in Landdag gwehlt wore. Im Oktober 2015 het er as Oberburgermaischter vu Wiesloch landidiert, isch aber em Dirk Elkemann unterläge.[6][7]
Privats
[ändere | Quälltäxt bearbeite]Dr Kai Schmidt-Eisenlohr isch ghyrote. Är isch 2014 dr erscht Landdagsabgordnete z Dytschland gsii, wu in Elterezyt gangen isch.
Sunschtigs Engaschmänt
[ändere | Quälltäxt bearbeite]- Vorsitzer vum Vorstand vu dr Bürgergenossenschaft Wiesloch eG.
- Stellverdrättend Mitglid vum Byrot vu dr Palatin Kongresshotel- und Kulturzentrum GmbH, Wiesloch
- Mitglid bi dr Turn- und Sportgemeinschaft 1885 Wiesloch e. V.
- Mitglid bi dr Stadtkapelle Wiesloch e. V.
Weblink
[ändere | Quälltäxt bearbeite]
Fueßnote
[ändere | Quälltäxt bearbeite]- ↑ Die Grünen greifen nach wichtigen Posten, Frankfurter Allgemeine Zeitung
- ↑ Neuer Chef für die Standortwerber gesucht, Stuttgarter Zeitung, 4. November 2019
- ↑ Dubiose Aufträge bei den Landeswerbern, Stuttgarter Zeitung, 30. November 2017
- ↑ Schmidt-Eisenlohr wechselt in die Wirtschaft, Sueddeutsche Zeitung, 2. Oktober 2019
- ↑ Impressum, Website Schweikart
- ↑ Schwetzinger Bürgermeister Dirk Elkemann erobert den Chefsessel in Wiesloch, RNZ, 5. Oktober 2015
- ↑ Schmidt-Eisenlohr verlässt Baden-Württemberg International, Staatsministerium Baden-Württemberg