Kaffiratte

Kaffiratte (Golunda ellioti)

Systematik

Familie:	Langschwanzmüüs (Muridae)
Underfamilie:	Altwältmüüs (Murinae)
Tribus:	Arvicanthini
Gattig:	Golunda
Art:	Kaffiratte

Wüsseschaftlige Name vo der Gattig

Golunda

J. E. Gray, 1837

Wüsseschaftlige Name vo der Art

Golunda ellioti

J. E. Gray, 1837

D Kaffiratte (Golunda ellioti) isch e Nager, wo z Südasie verbreitet isch u dert mal als Kaffischädling isch gfürchtet gsi.

Merkmal[ändere | Quälltäxt bearbeite]

D Ratte het e Chopfrumpflengi zwüschen 11 u 15 Zentimeter. Der Schwanz isch zwüsche 9 u 13 Zentimeter läng. D Fällfarb isch sehr underschilech. Es git graui, bruuni, gälbbruuni u rotbruuni Ratte. Einigi Exemplar erinnere mit ihrer Fällfarb an es Kaffigrem. Ou d Struktur vom Fälli isch je nach Region sehr underschidlech. Gwüssi Kaffiratte hei es relativ weichs, anderi es borstigs bis stachligs Fäll. D Kaffiratte het e breide Körberbou, genau so wi d Wüehlmuus.

Verbreitig u Läbeswys[ändere | Quälltäxt bearbeite]

Ds Verbreitigsgebiet erstreckt sech vom üsserschten Oschte vom Iran über Pakischtan bis nach Indie. Ou Nepal u Sri Lanka ghöre derzue. Dört läbt d Kaffiratte i underschidleche Läbesrüüm wi di grasigi Steppe, d Sümpf u d Rägewälder. Si chöme aber ou am Rand vo Fälder u Plantasche vor. Obwohl si chöi chlättere, halte si sech meischtens uf em Boden uf.

Bsunders guet vermehrt sech d Kaffiratten i der Neechi vo Kaffiplantasche. Dert frisst si d Chnoschpen u d Blüete vo der Kaffipflanze. Wo gäge ds Ändi vom 17. Jahrhundert z Sri Lanka di erschti Kaffiplantasche entstanden isch, isch di ganzi Ärnti vo däm Nager vernichtet worde. Syt me der Kaffiabou z Sri Lanka ufgä het, het d Zahl vo de Kaffiratte wider abgno. Z Indie gilt si nach wi vor als Kaffischädling. Dert schynt si sech aber nid derart explosionsartig z vermehre wi denn z Sri Lanka.

Syschtematik[ändere | Quälltäxt bearbeite]

Luut em Wilson & Reeder (2005) nimmt d Kaffiratte innerhalb vo de Altwältmüüs e isolierti Position y u wird druum als eigeti Gattigsgruppe, der Golunda-Gruppe zuegordnet. Nach genetische Undersuechige vom Lecompte et al. (2008) sy die Tier Teil vo vorwiegend afrikanische Altwältmüüs, wo ou d Arvicanthis-Gruppe u anderi derzue grächnet wärde. Die wärde als Arvicanthini zämegfasst.

Literatur[ändere | Quälltäxt bearbeite]

Ronald M. Nowak: Walker's Mammals of the World. 2 Bände. 6. Auflage. Johns Hopkins University Press, Baltimore MD u. a. 1999, ISBN 0-8018-5789-9.
Don E. Wilson, DeeAnn M. Reeder (Hrsg.): Mammal Species of the World. A taxonomic and geographic Reference. 2 Bände. 3. Auflage. Johns Hopkins University Press, Baltimore MD 2005, ISBN 0-8018-8221-4.
Emilie Lecompte, Ken Aplin, Christiane Denys, François Catzeflis, Marion Chades, Pascale Chevret: Phylogeny and biogeography of African Murinae based on mitochondrial and nuclear gene sequences, with a new tribal classification of the subfamily. In: BMC Evolutionary Biology. Bd. 8, 199, 2008, S. 1–21, doi:10.1186/1471-2148-8-199.

Weblinks[ändere | Quälltäxt bearbeite]

Commons: Kaffiratte – Sammlig vo Multimediadateie

Golunda ellioti in dr Rote Lischt vu dr gfehrdete Arten vu dr IUCN. Abgruefe am 7. Oktober 2009

Dä Artikel basiert uff ere fräie Übersetzig vu dere Version vum Artikel „Kaffeeratte“ vu de dütsche Wikipedia. E Liste vu de Autore un Versione isch do z finde.