Königriich Weschtphale

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

S Königriich Weschtphale isch en Schöpfig vom Napoleon Bonaparte während dr Bsatzigsziit in Düütschland gsii. 1807 het er dezue en Verfassig dekretiert. 1813, nach de verlorene Völkerschlacht bi Leipzig, isch s Königriich wieder ufglöst worde. S Territorium het vor allem Gebiet im hütige Hesse und Niedersachse umfasst. Es isch nit gliichbedütend mit Weschtfale (früehner es Herzogtum und en preußischi Provinz, jetzt en Beschtandteil vo Nordrhy-Weschtfale) und wird drum hüt mit "ph" gschribe.

En Verwandte vom französische Kaiser, de Jérome Bonaparte, isch als Hieronymus Napoleon König vo Weschtphale gsii. Unter em Jérome, und das isch charakteristisch gsii für en Export vo dr Französische Revolution dur de Napoleon, sind d Lüüt alli gliich vor em Gsetz gsii (Artikel 10 Verfassig). Alli (Adels-)Privilegie sind uufghobe gsii (Art. 12), ebeso d Liibeigeschaft (Art. 13). S het dr Code Napoleon, es liberals Zivilrächt, golte (Art. 45). Und es het es Parlament geh, wo mit Zensuswahlrächt gwählt worde isch.

Literatur[ändere | Quälltäxt bearbeite]

  • H. Boldt: Reich und Länder - Texte zur deutschen Verfassungsgeschichte

Weblink[ändere | Quälltäxt bearbeite]

 Commons: Königriich Weschtphale – Sammlig vo Multimediadateie