Jutta Makowsky

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Jutta Makowsky (* 26. Augschte 1928 z Fryburg; † 18. Jänner 2013 z Minche) isch e dytschi Schurnalischti un Autoori gsii.

Lääbe[ändere | Quälltäxt bearbeite]

D Makowsky isch z Fryburg in ere Chinschtlerfamilie ufgwagse. No dr Schuel isch si uf Stuegert uf d Schauspiilakademy. Si het Engaschmänt as Schauspiileri z Haidelbärg un z Fryburg ghaa. Dernääbe het si bim Siidweschtfunk as Sprächeri gschafft, unter anderem het si bi alemannische Heerspiil mitgmacht. Si hetdoodmool au aagfange uf Alemannisch schryybe, si het zem Byyschpel e baar Heerspiil gschriibe, wu im SWF gsändet woore sin.

Ab 1959 het si z Minche gläbt un het deert as freii Schurnalischti fir Präss un Rundfunk gschafft. In dr 1960er Joor het si aagfange chlaini Alldaagserlääbnis in Proosa as Satiire un Glosse ufschryybe, wu in Zytige erschiinne sin un speeter au in Biecher. Ab 1974 isch si ständigi freii Mitarbaiteri bi dr Süddeutsche gsii. Si het au fir dr Bayrische Rundfunk Byydreeg verfasst.

Anne 1987 isch ire eerscht Buech, „Mamas Lieblinge“, uusechuu. Insgsamt het si vierzee Biecher vereffetligt. Nääbe Proosa het si au Gediicht verfasst.

Anne 1970 isch au ne Byydraag uf Alemannisch vun ere in dr Anthology „Alemannische Geschichten“ uusechuu.

Si isch Mitgliid vum Künstlerkreis 83 München-Pasing (KK83) gsii un 2001 mit dr Goldene Rose vum KK83 uuszaichnet woore.

Si het zue dr eerschte wyyblige Autoorne gheert, wu vu dr Münchner Turmschreiber ufgnuu wooren isch, anne 2001. Im Joor 2004 isch si mit em Bayerische Poetentaler vu dr Turmschreiber uuszaichnet woore.

Si het iber 35 Joor lang Oorgele gspiilt in dr Gottesdienscht, wu vu dr evangeelisch-lutherische Paul-Gerhardt-Gmai in dr Altershaim Alfons-Hoffmann-Haus un Senioren-Residenz Westpark gfyyrt wääre.[1]

D Makowsky isch ghyroote gsii un het e Suun ghaa.

Wäärch[ändere | Quälltäxt bearbeite]

  • Mamas Lieblinge. Vorwiegend heiteres über Mütter und Kinder. Verlagsanstalt Bayerland, Dachau 1987. 79 S.
  • Mit Luft und Liebe. Vorwiegend Heiteres für Radlfreunde. Verlagsanstalt Bayerland, Dachau 1989. 80 S. ISBN 978-3-89251-050-5
  • Statt Schoklad. Schmankerl für kleine und große Leseratten. Verlagsanstalt Bayerland, Dachau 1990. 80 S. ISBN 3-89251-081-4
  • Morgensonne. Roman. Herbig, München 1992. 240 S. ISBN 3-7766-1713-6
  • Mode. Ein fröhliches Wörterbuch für Modefans und Modemuffel, Junge und Junggebliebene, Schlanke und Mollige, Anspruchsvolle und Unbedarfte. Mit Zeichnungen von Betty Sack. Tomus, München 1992. 96 S. Ill. ISBN 3-8231-0092-0
  • Endlich Oma! Mit Ill. von Ernst Hürlimann. Tomus, München 1995. 158 S. Ill. ISBN 3-8231-0742-9
  • Geht es Ihnen auch so? Witzig-Spritziges zum Zeitgeschehen. Ullstein, Frankfurt/M., Berlin 1995. 203 S. ISBN 978-3-548-23502-8 kart.
  • Von Weihnachtsmenschen, Engeln und Tannenbäumen. Ullstein, Frankfurt/M., Berlin 1995. 126 S. ISBN 978-3-548-23802-9 kart.
  • Geliebte Tante. Tomus, München 1998. 143 S. Ill. ISBN 3-8231-0876-X
  • Früher war alles besser. Ein Spaziergang durch den Alltag. Turmschreiber-Verlag, Pfaffenhofen 1999. 148 S. Ill. ISBN 3-930156-56-3
  • Immer schön fröhlich bleiben. Aufgelesenes – Aufgeschriebenes. Turmschreiber-Verlag, Pfaffenhofen 2001. 116 S. Ill. ISBN 3-930156-73-3
  • Tierisch. Geschichten von Zwei- und Vierbeinern. Zeichnungen von Franz Eder. Turmschreiber-Verlag, Pfaffenhofen 2005. 116 S. ISBN 3-930156-94-6
  • Ab Morgen wird abgespeckt. Geschichten und Glossen durch Dick und Dünn. Zeichnungen von Franz Eder. Turmschreiber-Verlag, Pfaffenhofen 2008. 93 S. ISBN 978-3-938575-03-1
  • Ein Teuferl am Christbaum. Stimmungsvolles, Heiteres und Kritisches zur Weihnachtszeit. Bayerland, Dachau 2010. 128 S. ISBN: 978-3-89251-417-6
Byydreeg in Anthologie
  • Prosa. In: Alemannische Geschichten. E Lesbuech in der Muettersproch für großi und chlini Lüt. Hrsg. von der Muettersproch, Gesellschaft für Alemannische Sprache. Schriftleitung Richard Gäng. Moritz Schauenburg Verlag, Lahr/Schwarzw. 1970
  • So schreibn mir! Erste Präsentation der Weiß-Blaustrümpf. Herausgegeben von Renate Mayer und der Münchener Autorenvereinigung „Littera“. Stieglitz-Verlag Händle, Mühlacker und Irdning/Steiermark, 1983. ISBN 13 9783798702141
Doondreeger
  • Früher war alles besser. Ein Spaziergang durch den Alltag. Sprecherin: Jutta Makowsky. TeBiTo, Landsham 2000; 2 Tonkassetten, 165 Min. ISBN 3-934044-42-5

Fueßnote[ändere | Quälltäxt bearbeite]

  1. Paul-Gerhardt-Gemeinden München. Gemeindebrief 2013-01, S. 33