Jungi Mundart (1997)

Jungi Mundart isch dr Titel vun eme Dialäktwettbewäärb gsii, wu 1997/98 vu dr Muettersproch-Gsellschaft veraastaltet wooren isch. Parallel derzue het s au ne ähnlige Wettbewärb vum elsässische Partnerverain „Heimetsproch un Tradition“ gee.

Wettbewäärb

Uusgschriibe woore isch dr Lyrik-Wettbewäärb im Friesummer 1997, dr Yysändeschluss isch wäge dr wenige Täxt, wu yygschickt wore sin, schließli bis zum 31. Dezämber 1997 verlengeret wore. Mitmache chenne het mer mit Gedicht in eme alemannische Dialäkt us em Badische, wämer noch em 31.12.1967 uf d Wält chuu isch. D Täxt hän solle anonym yygee wäre mit eme Passwort. Verbunde mit em Bryys isch e Bryysgäld gsii in Heechi vu 1200,- DM fir dr eerscht Blatz, 800,- DM fir dr zweet Blatz un 500,- DM fir dr dritt Blatz, derzue het s e Ferderbryys gee. Mitgmacht hän emänd zwelf jungi Lyt, wu zäme 22 Gedicht yygschickt hän.

Uusgweelt woore sin di bremierte Täxt vun ere fimfchepfige Jury, wu d Inge Tenz, d Uschi Isele un dr Siegfried Thoma vu dr Muettersproch-Gsellschaft, dr Schurnalischt Jörg Bertsch un dr Werner O. Feißt vum SWR derzue ghert hän. D Bryysverleiig isch derno am e Wuchenänd anne 1998 gsii, am Samschtig het s e Dräffe vu allne Dailnämer*ne mit Lyt vu dr Muettersproch-Gsellschaft im Waldhof z Fryburg gee, am Sunntig isch derno d Bryysverleiig in dr Grichtslaube z Fryburg gsii.

Di bremierte Gedicht, aber au Gedicht vu allne andere Dailnämer*ne, sin abdruckt wore in dr Verainsyzytschrift Alemannisch dunkt üs guet.

Bryysdreeger*ne

• 1. Blatz: Maria Antonia Flamm
• 2. Blatz: Armin Holzer
• 3. Blatz: Tobias Baur
• Ferderbryys: Andreas Zöllner

Literatur

• Siegfried Thoma: Wettbewerb „jungi Mundart 1997“. In: Alemannisch dunkt üs guet, Heft III/IV 1998, S. 47−55