Judith Korb

Dialäkt: Undermarkgreflerisch

D Judith Korb (* 1967 z Wertheim) isch e dytschi Evolutionsbiologi un Entomologi.

Lääbe un Wirke

D Korb het vu 1987 bis 1993 Biology an dr Universitet Würzburg studiert un mit em Diplom abgschlosse. Ab 1994 bis 1997 het si an dr Uni Würzburg iri Dokterarbet iber „Lokale und regionale Verteilung von Macrotermes bellicosus (Isoptera, Macrotermitinae): Stochastik oder Deterministik?“ gschribe un isch 1997 promoviert wore. As Postdoc-Stipendiati vum DAAD het si 1997/98 z Würzburg un in dr Elfebaikischte gforscht. Iber e DFG-Stipendium isch si 1999 un 2000 as Wisseschafltigi Mitarbaiteri am Commonwealth Scientific and Industrial Research Organisation (CSIRO) z Canberra un z Darwin z Auschtralie gsii. Vu 2000 bis 2004 het si an dr Universitet Regensburg e Arbetsgruppe iber s Emmy-Noether-Brogramm vu dr DFG glaitet un si 2004 derno an dr Uni Regensburg im Fach Zoology habilitiert. Bis 2008 het si no as Wisseschaftligi Mitarbaiteri gschafft, vu 2008 bis 2013 het si no d Brofässur (W§) fir Verhaltesbiology an dr Universitet Osnabrück ghaa. Syter anne 2013 isch si Brofässeri fir Evolution und Ekology an dr Fakutet fir Biology an dr Universitet Fryburg

2012 bis 2015 isch Mitglid im DFG Panel „Zoology” gsii. Anne 2005 het si ne Bryys fir di bescht Habilitation vu dr Universitet Regensburg iberchuu un 2007 e Bryys fir Biology vu dr Göttinger Akademy vu dr Wisseschafte,

Zue ire Forschigsschwärpinkt ghere vor allem Termite (Isoptera), ire Verhalte, iri Kommunikation, ire Zämmeläbe un iri Artevylfalt, bsundersch z Weschtafrika.

Uusgläseni Schrifte

• Elsner D, Meusemann K, Korb J (2018): Longevity and transposon defense, the case of termite reproductives. Proc Natl Acad Sci USA 115:5504-5509.
• Hoffmann K, Gowin J, Hartfelder K, Korb J (2014): The scent of royalty: a P450 gene signals reproductive status in a social insect. Mol Biol Evol 31:2689-2696.
• Korb J, Foster KR (2010): Ecological competition favours cooperation in termite societies. Ecol Lett 13:754-760.
• Korb J, Weil T, Hoffmann K, Foster KR, Rehli M (2009): A gene necessary for reproductive suppression in termites. Science 324:758.
• Korb J, Heinze J (2008): Ecology of Social Evolution. Springer Press, Heidelberg
• Korb J (1997): Lokale und regionale Verteilung von Macrotermes bellicosus (Isoptera, Macrotermitinae): Stochastik oder Deterministik? Wissenschaft & Technik Verlag, Berlin. 158 S.

Weblink

• Websyte vum Korb Lab an dr Universitet Fryburg
• Judith Korb: CV
• Judith Korb: Research