Juanes

Juanes
Juanes
	; 2015 am Zelt Musik Festival 2015 z Friburg i.B.
Date
Geburtsname	Juan Esteban Aristizábal Vásquez
Uf d Wält cho	9. August 1972; Medellín, Kolumbie
Härkumft	Carolina del Príncipe, Antioquia, Kolumbie
Genre	Latin Rock, Latin Pop
Beschäftigung	Singer-songwriter, Gitarrist
Instrument	Gitarre
Aktiv	1988 bis hüt
Label	Universal
Het gspiilt mit	Ekhymosis
Website	http://www.juanes.net/
Bemerkenswärti Instrument
	Fender Stratocaster

Dr Juan Esteban Aristizabal Vázquez odär eifacher Juanes (* 9. August 1972 z Medellín z Kolumbiä) isch e kolumbianische Songschriiber, Sänger und Gitarrischt.

Biografi[ändere | Quälltäxt bearbeite]

Im Alter vo siibä Johr het dä Juanes aafangä Gitarrä spiilä. Er het das vo siim Vater und dä älterä Brüederä glernt. Er het vor allem lateinamerikanischi Muusig gmacht.

Er het elf Johr in ärä Bänd mit Namä Ekhymosis gspiilt, er het si selbär gründet. Aber dänn hets ihm glangt und er het sini Solo-Karrierä agfangä. So isch er schliesslich zum internationlä Durchbruch cho. Mit dä Single La Camisa Negra (spanisch:Das schwarze Hemd) het er den tatsächlich im Johr 2005 dä Durchbruch gschafft.

Dä Juanes isch mit em kolumbianischä Model Karen Martínez verhüüratet, si hend zämä zwei Töchterä: d Luna und d Paloma.