Josha Frey
| Dialäkt: Undermarkgreflerisch |
Dr Josha Frey (* 18. Merz 1959 z Haidelberg; aigetli Josef Frey) isch e dytsche Sozialpedagog un Bolitiker (Bindnis 90/Di Griene). Är isch vu 2011 bis 2023 Abgordnete im Landdag vu Bade-Wirttebärg gsii.
Uusbildig un Beruef
[ändere | Quälltäxt bearbeite]Dr Josha Frey isch z Schwarzach ufgwachse un het z Mosbach Abitur gmacht. Vu 1980 bis 1985 het er an dr Katholische Fachhochschuel fir Sozialwäse z Fryburg Sozialwissenschafte studiert. Noch em Abschluss as Diplom-Sozialpedagog het er vu 1985 bis 1987 bim Caritasverband fir dr Ortenaukrais, vu 1987 bis 1994 in verschidene Drogehilfsyyrichtige z Basel un vu 1994 bis 2001 im kantonale Jugendamt Basel gschafft. Vu 2001 bis 2009 isch er Beufdraite fir Suchtprävention im Kanton Basel-Stadt un derno vu 2010 bis 2011 Laiter vu dr Koordinationsstell Freiwilligenarbet vum Kanton Basel-Stadt gsii.
Bolitischi Laufbahn
[ändere | Quälltäxt bearbeite]Vu 1990 bis 1994 un wider vu 1999 bis 2004 isch dr Josha Frey Mitglid im Kraisvorstand vum griene Kraisverband im Landkrais Löörech gsii. Vu 1993 bis 1999 isch er Mitglid im Stadtrot vu Löörech gsii. Anne 1994 isch er in dr Kraisdag vum Landkrais Löörech gwehlt wore, wun er bis 1999 Mitglid isch. Vu 2004 bis 2011 isch er wider Mitglid vum Kraisdag gsii un in däre Zyt au Vorsitzer vu dr Griene-Fraktion.
Bi dr Landdagswahl 2011 isch er iber s Zwaitmandat im Landdagswahlkrais Löörech in dr Landdag vu Bade-Wirttebärg gwehlt wore. Dert isch er Mitglid im Sozialuusschuss. Dr Frey isch sucht- un europabolitische Sprecher vu syre Fraktion.
Bi dr Landdagswahl 2016 het dr Frey zum erschte Mol s Diräktmandat fir di Griene im Wahlkrais Löörech gwunne.[1] Vu Juni 2016 bis Merz 2021 isch dr Josha Frey Mitglid vum Kongräss vu dr Gmaine un Regione vu Europa im Europarot gsii, derno bis Dezämber 2023 stellverdrättend Mitglid.[2] Anne 2021 isch er zum Verbandsvorsitzer un dodermit zum Bresidänt vum Euro-Inschtitut z Kähl gwehlt wore.[3] Vu 2018 bis 2019 un vu 2021 bis 2023 isch er Vizebresidänt vum Oberrhyyrot gsii, 2017 un 2020 isch er Bresidänt vu sällem gsii.[4][5] Derzue isch er vu 2020 bis 2023 Stellverdrätter vu dr Muhterem Aras im Uusschuss vu dr Regione vu dr Fraktion Die Grünen/Europäische Freie Allianz gsii.[6]
Bi dr Landdagswahl 2021 het er sy Diräktmandat mit 35,8 Brozänt vu dr Stimme chenne verdaidige. Per Ändi 2023 het er sy Landdfagsmandat niderglait, fir ihn isch d Sarah Hagmann in Landdag noogruggt.
Sunschtigs Engaschmänt
[ändere | Quälltäxt bearbeite]- Bresidänt vum Euro-Institut Kehl
- Mitglid im Dytsche Rote Chryz
- Mitglid in dr Interessengemeinschaft Velo im Landkreis Lörrach e. V. (IG Velo)
- Mitglid im Bund für Umwelt und Naturschutz Deutschland (BUND)
- Mitglid im Förderverein Suchtklinik Haus Weitenau
- Mitglid vum Stiftigsrot vu dr Stiftung für Entwicklungszusammenarbeit
- Mitglid im Oberrheinrat
- Mitglied im Toto-Lotto Kuratorium
Persenligs
[ändere | Quälltäxt bearbeite]Dr Josha Frey isch ghyrote un läbt mit syre Frau un em Suhn z Löörech. Är ghert dr Katholische Chilchen aa.
Weblink
[ändere | Quälltäxt bearbeite]- Internetpresänz vum Josha Frey
- Josha Frey uf abgeordnetenwatch.de
Fueßnote
[ändere | Quälltäxt bearbeite]- ↑ Badische Zeitung: Landtagswahlergebnis Lörrach 2016, 14. Merz 2016
- ↑ Kongress der Gemeinden und Regionen. Abgruefen am 6. Februar 2020.
- ↑ Struktur. Abgruefen am 6. Februar 2020 (änglisch).
- ↑ Vorstand - Oberrheinrat. Abgruefen am 6. Februar 2020.
- ↑ Landtag Baden Württemberg - 91/2016. Abgruefen am 6. Februar 2020.
- ↑ Member. Abgruefen am 20. Februar 2020 (britischs Änglisch).