Johann Wirz

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Johann Wirz isch am 17. Oktobr 1814 z Gälterchinde uf d Wält cho und am 13. Septämbr 1870 z Gälterchinde gschtorbe. Är isch reformiert, Bürger vo Gälterchinde und Leerer gsi.

Sys Läbe[ändere | Quälltäxt bearbeite]

Dr Johann Wirz isch dr Soon vom Johann Jakob Wirz, Buechdruker, und dr Anna Katharina Buser gsi. Im Joor 1839 het är d Salome Gerster vo Gälterchinde ghürotet. Mit zwölfi isch är Vollweise worde und isch als Verdingbueb zu me Buur cho. Sy Soon isch dr Jakob Wirz gsi.

Sy Bruef[ändere | Quälltäxt bearbeite]

Dr Johann Wirz isch nach ere churze Bandwäberleer dank ere Gönnerin an dr Buebeschuel Vordemwald z`Zofige zum Leerer usbildet worde. Im Joor 1833 het är am Inschtitut vom Pfarrer Jacquet z Dälschbrg unterrichtet und 1834 bis 1835 denn z Gälterchinde. 1838 isch är an dr Société des Missions Evangéliques z Paris tätig gsi. 1839 bis 1854 isch är Leerer im «nöie» Schuelhauus z Gälterchinde gsi. Är het mit syne Schüeler aagfange dr Bettäbrg ufzforschte. Us gsundheitlige Gründ het är müese ufhöre als Leerer z schaffe. Wärend syne verblybende Läbensjoor het är als Oberufse`er (Betrybsleiter) in dr «rote» Bandfabrik Freyvogel, Heusler & Cie. z Gälterchinde gschafft. Är isch nume sechsefüfzgi worde.

Literatur[ändere | Quälltäxt bearbeite]

  • Winter P.: Jakob Wirz-Nidecker und seine Vorfahren, Hektographie 1962, 3f.

Weblink[ändere | Quälltäxt bearbeite]