Johann Rudolf Wyss

Dr Johann Rudolf Wyss (* 4. März 1782 z Bärn; † 21. März 1830 au dört) isch e Schwiizer Schriftsteller und Filosofyprofässer gsi.

s Läbe

Dr Johann Rudolf Wyss het z Bärn, z Tübinge, z Göttingen und z Halle studiert. 1805 isch er Profässer a dr Akademy z Bärn worde. Er het do au als Lehrer mit m Jeremias Gotthelf z tue gha.

Dr Wyss het en Tegscht gschrybe, wo spöter i dr Schwiiz als Nazionalhymne pruucht worden isch: Rufst du mein Vaterland.

Er het zäme mit m Gottlieb Jakob Kuhn dr Almanach Alpenrosen useggä.

Em Wyss sys Gedicht „Was isch doch o das Heimelig?“ isch i dr Liedersamlig Im Röseligarte abtrukt.

Wärch

• Idyllen, Volkssagen, Legenden und Erzählungen aus der Schweiz, 2 Bde., 1815–1822
• Reise in das Berner Oberland, 2 Bde., 1816–1817

Literatur

• Ruedi Graf: Alpenrosen. In: Historisches Lexikon vo dr Schwiiz.