Johann Jakob Buurged (1809-1888)

Dialäkt: Aaglobaaseldütsch

Dr Johann Jakob Buurged (* 15. August 1809 z Baasel; † 12. April 1888 z Baasel) isch e Baasler Richder, Kantonalpolitiker und Bürgermäister gsi.

S Grab wo dr Bildhauer Louis Wethli uf em Wolfgottesacker ufgstellt het

Si Lääbe und Wärk

Dr Johann Jakob Buurged het Rächtswüssenschafte studiert und het vo 1834 aa as Bolizeirichder gschafft. Spööter isch er Kriminal- und Waiserichder worde. Vo 1840 bis 1848 isch er dr Bresidänt vom Appellazioonsgricht gsi und isch vo 1837 bis 1870 im Basler Groosse Root gsässe. Vo 1848 aa isch er Mitgliid vom Chläine Root und vo 1849 bis 1859 Bürgermäister vo Baasel-Stadt gsi. 1848 het er Baasel-Stadt an dr Daagsatzig z Bärn representiert. Ab 1873 isch er Mitgliid vom Staatskollegium gsi. Dr Buurged het sich bsundrigs mit Justiz- und Baufrooge abgee und sit dr Gründig vom Bundesstaat mit aktuelle Brobleem vo dr Niiderlassig.

Dr Johann Jakob Buurged isch sit 1835 mit dr Elisabeth, geboreni Ryhiner (1815–1899), verhürootet gsi. Iire eltist Soon isch dr Staatsaawalt und Politiker Johann Jakob Buurged (1836–1890) gsi.

Dr Johann Jakob Buurged isch uf em Wolfgottesacker in Baasel begrabe.

Litratuur

• Leonhard Burckhardt: Johann Jakob Burckhardt . In: Historisches Lexikon vo dr Schwiiz. 2003

Weblingg

• Dr Stammbaum vom Johann Jakob Burckhardt in stroux.com

Dä Artikel basiert uff ere fräie Übersetzig vum Artikel „Johann_Jakob_Burckhardt_(Politiker,_1809)“ vu de dütsche Wikipedia. E Liste vu de Autore un Versione isch do z finde.