Johann Jakob Baader

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Familiegrab Baader uf em Chillhof Gälterchinde nördlich vo dr Chille.

Dr Johann Jakob Baader isch Schwyzer Nazionalrot und Dokter gsi. Är isch am 4. Aprelle 1810 z Gälterchinde uf d Wält cho und am 16. Merze 1879 z Gälterchinde gschtorbe.

Läbe[ändere | Quälltäxt bearbeite]

Dr Johann Jakob Baader isch dr Soon vom Dokter Samuel Baader gsi. Är het Latinunterricht by verschydene Pfärrer gno. Sys Medizinschtudium het är z Basel, Fryburg im Brysgau und z Züri gmacht und 1834 erfolgrych abgschlosse. Im Joor 1840 het är d Elisabeth Rudin vo Bämbel ghürote. Yre Soon isch dr Arzt und Gönner Arnold Baader gsi. Eis Joor spöter hei si yn zum Bezirksarzt gweelt.

Politik[ändere | Quälltäxt bearbeite]

Zwüsche 1836-1857 und 1866-1872 het är Gälterchinde im Baselbieter Landrot verträtte. Glychzytig isch är vo 1866-1869 Liberale Nazionalrot gsi. Är het sich im obere Kantonsteil am Ufbou vom noiye Kanton Basel-Landschaft beteiligt. Är isch e yflussryche Verträter vo dr domols wichtigschte Partey, der Ornigspartey gsi. Usserdem isch är Presidänt vom Sanitätsrot und Gründer vom Läseverein und vo dr Meitlisekundarschuel Gälterchinde gsi. Är het sich ygsetzt für e Nöibou vo dr Schtrofanstalt und vom Kantonsschpital. Im Joor 1865 isch är eine vo de Mitbegründer vo dr Schwyzerische Ärztegsellschaft gsi. Zwüsche 1873-1878 isch är im Verwaltigsrot vo dr Basellandschaftliche Hüpotekebank gsi und het au no im Militär als Batallionsarzt dient.

Literarischi Verwys[ändere | Quälltäxt bearbeite]

  • Gruner, Bundesversammlung 1, 471 f.
  • P. Dubler, Johann Jakob B., 1970

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Johann_Jakob_Baader“ vu de dütsche Wikipedia.

E Liste vu de Autore un Versione isch do z finde.