Jean-Luc Addor
Dr Jean-Luc Addor (* 22. April 1964 z Losann) isch e Schwiizer Jurischt und Politiker.
Äär het s Bürgerrächt vo Sainte-Croix VD und Savièse. Nach em Studium a dr Uni Losann isch äär 1991 Walliser Füürschpräch woorde. 1991 bis 2001 isch äär Undersuechigsrichter vom Middelwallis gsi, und sider het er es äigets Jurischtebüro.
Anne 2015 het en s Walliser Stimmvolch zum Nazionalroot gwählt, und bi de Wahle vo 2019 isch er im Amt bestätiget woorde. Dr Addor politisiert bi dr SVP. Äär wäär psunders drfür, ass men i dr Schwiiz es ganz es liberaals Wafferächt hätti.
Weblink[ändere | Quälltäxt bearbeite]
- Jean-Luc Addor uf dr Websyte vo dr Bundesversammlig
- d Websyte vom Jean-Luc Addor