Dr Jakobsbrunne z Baasel
Koordinate: 47° 33′ 1,4″ N, 7° 35′ 32,6″ O; CH1903: 611576 / 266642
.JPG)
| Dialäkt: Baseldütsch |
Dr Jakobsbrunne befindet sich hüte an dr Hermann Kinkelin-Strooss z Baasel. Er stoot sit 1915 under Dänggmolschutz[1] und isch äins vo de Baasler Kulturgüeter, wo für d Region vo Bedütig si.
D Gschicht vom Brunne
[ändere | Quälltäxt bearbeite]Dr Jakobsbrunne isch 1390 in dr Äschevorstadt ufgstellt worde. Dr Droog isch rächteggig mit abgschreegte Kante. Näben em groosse Droog het s non e chliinere. Uf e Brunnestogg het mä 1453 e Statue vom Häilige Jakob gstellt, wo dr Hans Tussmann (1420-1490) gmacht het. D Originalstatue isch 1911 ins Historische Museum brocht und mit ere Kopii ersetzt worde. Mee as 550 Joor isch dr Brunne in dr Äsche gstande, bis ass mä d Strooss het welle verbräitere. Mä het en dorum 1953 für zää Joor in e Laager doo und denn an dr Hermann Kinkelin-Strooss wisawii vom Kirschgarde-Schuelhuus, öbbe 300 Meter vom alte Blatz, wider ufgstellt.[2] 1998 isch er renowiert worde.[1]
Weblingg
[ändere | Quälltäxt bearbeite]- Der Löwenzorn uf baselinsider.ch
Fuessnoote
[ändere | Quälltäxt bearbeite]- ↑ 1,0 1,1 Jakobs-Brunnen uf brunnenfuehrer.ch
- ↑ Jakobsbrunnen - Basel, Switzerland - Austrian and Swiss National Heritage Sites uf Waymarking.com