Jakob Wagner

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Jakob Wagner (* 2. Jänner 1861 z Gälterchinde; † 22. Septämber 1915 z Wislig) isch e Schwyzer Kunschtmoler sgi. Är isch reformiert und Bürger vo Gälterchinde gsi.

Sys Läbe[ändere | Quälltäxt bearbeite]

Dr Jakob Wagner isch dr Soon vom Johannes Wagner und dr Maria Pümpin[1] gsi. 1902 het är d Kunschtmolere Clara Grosch vo Karlsrue ghürotet.

Kunschtmoler[ändere | Quälltäxt bearbeite]

Dr Jakob Wagner het sich an dr Académie des Arts décoratifs z Paris und bim K. Raupp und im L. Herterich z Münche zum Kunschtmoler lo usbilde. Nohär het är sich sälbschtändig wyterbildet. Z Rom vo 1885 bis 1888. In de folgende Joore het är sich z Bouveret am Gämfersee ufghalte und het Landschafte gmolt. Z Sizilie het är sich vo 1891 bis 1893 bsunders mit em Ätna beschäftigt. Aaschliessend het är z Egipte Szene vo Kairo und Umgäbig gmolt, meischtens in dr Akuarelltechnik. 1898 het är schlussändlig z Locarno si ändgültige Woonort gfunde. Do het är e grossi Aazaal Tessiner Landschafte gmolt. Dr Jakob Wagner het mit sym «läbenswoore» Schtil grosse Erfolg gha. Näbe Privatpersone hei au Muse`e und Inschtituzione syni Bilder gchauft. Usser Landschafte het är au Figure gmolt.

Literatur[ändere | Quälltäxt bearbeite]

  • Schweizerisches Künstler Lexikon 3, 416f. (mit Werkverzeichnis)

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Maria Pümpin uf 4460.ch Stammbaum Wagner