Jürgen Filius
| Dialäkt: Undermarkgreflerisch |
Dr Jürgen Filius (* 5. Oktober 1960 z Berlin) isch e dytsche Bolitiker (Bindnis 90/Di Griene). Syter anne 2011 isch er Abgordnete im Landdag vu Bade-Wirttebärg.
Uusbildig un Beruef
[ändere | Quälltäxt bearbeite]D Eltere vum Jürgen Filius sin anne 1961 mit em uf Ulm zoge. Är het anne 1981 am Humboldt-Gymnasium s Abitur un derno im Chinderhaim Guter Hirte Zivildienst gmacht. Derno het er an dr Universitet Haidelberg Rächtswisseshafte studiert. Noch em Referendariat het er ab 1992 as Rächtsaawalt gschafft, syt 1998 in ere aigene Kanzlei. Är isch Sozius vu dr Ulmer Aawaltskanzlei Filius, Brosch, Bodenmüller, Mayer, Ruß & Kollegen.
Bolitischi Laufnahn
[ändere | Quälltäxt bearbeite]D Filius isch im Johr 1993 in d Bartei Bindnis 90/Di Grienen yydrätte. Vu 1997 bis 2009 isch er Gmairot in dr Stadt Ulm gsii, syt em Merz 2009 bis zum Änd vu dr Amtszyt as Vorsitzer vu dr Griene-Fraktion. Syt 2009 isch er Vorsitzer vum griene Kraisverband z Ulm.
Bi dr Landdagswahl z Bade-Wirttebärg 2011 isch er mit 24,7 Brozänt vu dr Stimme iber s Zwaitmandat im Landdagswahlkrais Ulm in dr Landdag vu Bade-Wirttebärg gwehlt wore. Dert isch er stellverdrättende Vorsitzer vum Ständigen Uusschuss un ordeli Mitglid vum Innenuusschuss. Är isch Laiter vum Wahlbriefigsuusschuss fir Landdagswahl 2011 un stellverdrättende Vorsitzer im Untersuechigssusschuss „Ankauf der EnBW-Anteile der Électricité de France (EdF) durch das Land Baden-Württemberg und seine Folgen (EnBW-Deal)“.
Dr Filius isch rächtsbolitische Sprächer un Strofvollzugs-Beufdraite vu dr Griene-Fraktion.
Sunschtigs Engaschmänt
[ändere | Quälltäxt bearbeite]- 1990 Sprächer vu dr Burgerinitiativ „Neue Straße gegen Tunnel und Tiefgarage“
- Mitgrinder un Mitglid im Anwaltsnotdienst für Strafsachen in Ulm
- Mitglid vum Dregerverain vum Zentrum Guter Hirte, Ulm
- Mitglid vum SSV Ulm 1846 Fußball e. V.
- Mitglid vum Bund für Umwelt und Naturschutz Deutschland (BuUD), Ulm
- Mitglid vum VCD Verkehrsclub Deutschland (VCD)
- Mitglid vum Verain Ulmer Weltladen e. V.
- Mitglid vum Deutschen Anwaltverein e. V.
- Mitglid un Vorsitzer vum Verain FortSchritt Ulm/Neu-Ulm, Hilfe für das hirngeschädigte Kind e. V.
- Mitglid vum Kuratorium vu dr Landesstiftung Opferschutz
- Gsellschafter vu dr ROXY gGmbH, Ulm.
Persenligs
[ändere | Quälltäxt bearbeite]Dr Jürgen Filius isch ghyrote un het drei Chinder. Är isch katholisch un läbt mit syre Familie z Ulm. Sy Frau Christine isch Gschäftsfiereri vu dr Mariaberg-FortSchritt gGmbH.
Weblink
[ändere | Quälltäxt bearbeite]
Commons: Category: – Album mit Multimediadateie