Iwar Werlen

Dr Iwar Werlen (* 21. Februar 1947 z Brig) isch e Schwiizer Sproochforscher.

s Lääbe

Der Dütschwalliser Iwar Werlen het z Stans s Gimnasium bsuecht und drufabe z Bäärn Theology, Filosofy und Sproochwüssechaft studiert. 1975 het er im Fach Germanistische Linguischtik un dr Dialäktology dokteriert.

Zeerscht isch er a dr Uni Bäärn Assischtänt und a dr Uni Lausanne Assischtänzprofässer gsi. Noch dr Habilitazioon anne 1981 isch er z Bäärn Privatdozänt für Algmäini Sproochwüsseschaft und 1984 Leerbeufträiten a dr Uni Gämf gsi.

1988 isch dr Werlen usserordentliche Profässer und 1992 ordentliche Profässer vo dr Uni Bäärn woorde. Er het au a dr Uni Mannheim gleert. Syni Forschig het er hauptsächlich uf d Gebiet Dialäktology, Meersproochikäit und Namekund uusgrichtet. Sit 2012 isch er emeritiert.

Füre Kanton Wallis macht dr Iwar Werlen im Kuratorium für s Oberwalliser Orts- und Fluernamebuech mit.

Wäärch in ere chlynen Uswaal

Probleme der schweizerischen Dialektologie. Fribourg 1985.
zäme mit dr Ricarda Liver und em Peter Wunderli (Hrsg): Sprachtheorie und Theorie der Sprachwissenschaft. Geschichte und Perspektiven. Festschrift für Rudolf Engler zum 60. Geburtstag. Tübingen 1990.
Ritual und Sprache. Zum Verhältnis von Sprechen und Handeln in Ritualen. Tübingen 1984
Schweizer Soziolinguistik. Soziolinguistik in der Schweiz. Neuenburg 1993.
Verbale Kommunikation in der Stadt. 1995.
mit em Peter Wunderli und em Matthias Grünert (Hrsg.): Italica – Raetica – Gallica. Studia linguarum litterarum artiumque in honorem Ricarda Liver. Tübingen und Basel 2001.
Projekt Üsserschwyz. Dialektanpassung und Dialektloyalität von Oberwalliser Migranten. Bern 2002.
Die Grundwörter der Oberwalliser Gipfelnamen. In: Brigitte Huber (u. a.): Chomolangma, Demawend und Kasbek. Festschrift für Roland Bielmeier zu seinem 65. Geburtstag. Halle (Saale) 2008.
mit em Lukas Rosenberger und em Jachin Baumgartner: Sprachkompetenzen der erwachsenen Bevölkerung in der Schweiz. 2011.
Zur Geschichte der Oberwalliser Orts- und Flurnamenkunde. In: Vallesia, 2012, Syte 269–291.

Literatur

Andrea Ender, Adrian Leemann, Bernhard Wälchli (Hrsg.): Methods in Contemporary Linguistics. Festschrift zum 65. Geburtstag von Prof. Dr. Iwar Werlen. Berlin 2012, ISBN 978-3-11-028466-9

Weblink

Iwar Werlen uf isw.unibe.ch