Isidor von Milet

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Hagia Sophia.

Dr Isidor(os) vo Milet (* 442; † 537) isch e spootantike Archidekt, Füüsiker und Mathematiker gsi.

Er het zämme mit em Anthemios vo Tralleis d Hagia Sophia im Ufdraag vom oströmische Kaiser Justinian I. baut. Die Hauptchille vo Konstantinopel gältet as äins vo de letschte groosse Bauwärk vo dr Antike. Am gliiche Blatz isch vorhäär die groossi Basilika vom Theodosius gstande, wo wääred em Nika-Ufstand im Joor 532 zerstöört worde isch.

Dr Isidor het in Alexandria Füüsik underrichdet und spööter an dr Uniwersidäät vo Konstantinopel. Er het uf Altgriechisch e Kommentar zum Wärk Über Gewölbe vom Heron vo Alexandrie gschriibe, wo hüte verloore isch. Im Isidor si Nöwöö, dr Isidor vo Milet dr Jüngeri het d Kupple, wo am 7. Mai 558 iigstürzt isch, bis 563 wider ufbaut.

Litratuur[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Isidor_von_Milet“ vu de dütsche Wikipedia.

E Liste vu de Autore un Versione isch do z finde.