Internationaler Volkssportverband

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Internationali Volkssportverband (IVV) isch vo Liechtestei, de Schwiiz, Dütschland und Östrich gründet worde, mit em Zyl, Volkssport ohni Zytdruck zorganisiere.

In zwische gits der IVV in vilne Landesorganisatione fascht wältwit. Ir Schwiiz und Liechtestei isch dr VSL zueständig, in Dütschland dr DVV, in Östrich dr OeVV, in Frankrich dr FFSP.

In Europa sinds hauptsächlich Volksmärsch, wo vo IVV-Mitglidsvereine organisiert sind.

I andere Länder gits aber au Volksschwimme, Volksvelofahre (was in Dütschland au no git), Volksskifahre und Volksinlineskating.

S Zyl vom Verband isch es, Mensche vo allne Generatione zumene gsunde Bewege zfüehre. Wie vili Organisatione lidet au dr IVV ar überalterig. Allerdings het de Verband Chance, en Verjüngig vorznäh, well Sportarte au für Jungi und Familie attraktiv sind.

Startgälder sind nämlich so täuf, das sie sich eigentlich jede leischte cha.

Weblink[ändere | Quälltäxt bearbeite]

IVV Weltverband
VSL (Schwiz Liechteschtei)