Iggy Azalea

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Mìlhüüserdiitsch
D’ Iggy Azalea ìm Àuigscht 2015

D’ Iggy Azalea LL-Q7976-Mathieu Kappler-Iggy Azalea.wav /əˈzeɪliə/ (* àls Amethyst Amelia Kelly àm 7. Jüüni 1990 z’ Sydney) ìsch a àuischtrààlischa Rapperin un Liadermàchera. Ìhra Müüssikkàrriar màcht sa ìn da Verainigta Schtààta.

Ìhr äärscht Àlbum The New Classic ìsch ànna 2014 üüssagànga un ìsch ìm Top-5 vu da Àlbum-Charts ìm Àuischtrààlia, Näiseelànd, Kànàdà un ìm Verainigta Keenigraich ànakumma. Ìhr zwait Àlbum In My Defense üss’m Joohr 2019 hàt weeniger Ärfolg ghàà. Üüsszaichent worra-n-ìsch d’ Azalea unteràndrem mìt zwai American Music Awards, dräi Billboard Music Awards un ainem MTV Video Music Awards.

Jugend[ändere | Quälltäxt bearbeite]

D’ Amethyst Amelia Kelly ìsch àm 7. Jüüni 1990 z’ Sydney uff d’ Walt kumma un ìsch z’ Mullumbimby ìm Bundesschtààt New South Wales uffgwàcksa. Ìhra Vàtter, dr Brendan Kelly, ìsch irisch-àuischtrààlischer Mooler un Bìldergschìchtla-Zaichner gsìì.[1] Ìhra Müatter Tanya[2] ìsch Putzfràui gsìì.[3] Uffgwàcksa-n-ìsch d’ Azalea ìn’ma Schtaihüüs, wo-n-ìhra Vàtter salbscht bàuia hàt, un wu-n-a 5 Häktààr groosser Gàrta gsìì-n-ìsch.[3][4][5] Ìn ìhra Kìnderjoohra hàt sa sìch dànk’m Vàtter fìr Kunscht begaischtret.[3] Mìt 14 Joohra hàt sa fànga-n-àà rappa.[5] Sa hàt z’äärscht zamma mìt zwai Maidla üss ìhrem Viartel a Grupp gebìlda.

Schuu-n-ìn ìhra Jugendsjoohra hàt d’ Azalea ìn Àmerikà wälla üüsswàndra. Sa hàt ìhra Üüssbìldung fàraloo, wu sa noch ìm Gymnààsium gsìì-n-ìsch. Sa hàt fìr a kurza Zitt zamma mìt ìhrer Müatter àls Putzfràui gschàfft un ìsch ànna 2006 ìn d’ Verainigta Schtààta gànga.[6] Sa hàt sìch z’äärscht z’ Miami nììdergloo, un hàt drnooh fìr a kurza Zitt z’ Houston ìm Texàs glabt. Doo druff ìsch sa uff Atlanta gànga ge laawa. Ìn da Verainigta Schtààta hàt sa rachtswìdrig gschàfft, bis sa ìm Hornung 2013 a Visa fìr fìmf Joohra bikumma hàt.[7] Dr Namma Iggy hàt sa gwählt, wial ìhra Hund asoo ghaissa hàt.[8] Ànna 2018 ìsch sa ìn da USA àls schtandiga Bewoohnera züagloo worra.[9]

ìhra Diskogràfii[ändere | Quälltäxt bearbeite]

Schtüdio-Àlba
  • 2014: The New Classic
  • 2019: In My Defense
  • 2021: The End of an Era

Weblìnks[ändere | Quälltäxt bearbeite]

 Commons: Iggy Azalea – Sammlig vo Multimediadateie

Ainzelnoohwiisa[ändere | Quälltäxt bearbeite]

  1. Tiffany Bakker: Iggy Azalea's Dad Brendan Kelly Penned Dirty Children's Books. (Nicht mehr online verfügbar.) News Corporation Australia, 12. Juni 2014, archiviert vom Original am 15. Juli 2015; abgruefen am 6. Juli 2022 (auschtralischs Änglisch).
  2. Iggy's Mum Reveals Home Truths. (Nicht mehr online verfügbar.) In: Cosmopolitan. 3. Juni 2014, archiviert vom Original am 29. Juni 2015; abgruefen am 6. Juli 2022 (auschtralischs Änglisch).
  3. 3,0 3,1 3,2 Insanul Ahmed: Who Is Iggy Azalea? In: Complex. 2. Oktober 2011, abgruefen am 6. Juli 2022 (amerikanischs Änglisch).
  4. Caroline Ryder: Iggy Goes Pop. In: Dazed. 2012, abgruefen am 6. Juli 2022 (amerikanischs Änglisch).
  5. 5,0 5,1 Brittany Lewis: Iggy Azalea: "I Get Compared To Kreayshawn...it's annoying." In: Global Grind. 26. September 2011, abgruefen am 6. Juli 2022 (amerikanischs Änglisch).
  6. Iggy Azalea Talks No. 1 Album and Cleaning Houses on 'Chelsea Lately'. In: Rap-Up. 21. Mai 2014, abgruefen am 6. Juli 2022 (amerikanischs Änglisch).
  7. American Dreamin': Iggy Azalea Special Interview. (Nicht mehr online verfügbar.) In: BossLady.tv. 20. Februar 2013, archiviert vom Original am 26. April 2013; abgruefen am 6. Juli 2022 (änglisch).
  8. Iggy Azalea: 'Call me Iggy or I will kill you'. 22. August 2014, abgruefen am 6. Juli 2022 (änglisch).
  9. Iggy Azalea approved for permanent residency in United States. In: New York Daily News. 16. März 2018, abgruefen am 6. Juli 2022 (amerikanischs Änglisch).
Information icon.svg Dä Artikel basiert uff ere fräie Übersetzig vu dere Version vum Artikel „Iggy_Azalea“ vu de änglische Wikipedia. E Liste vu de Autore un Versione isch do z finde.