Hugo Koblet
| |
| Dr Hugo Koblet 1954 | |
| Personedate | |
|---|---|
| Spitzname | Le pédaleur de charme |
| Geburtsdatum | 21. März 1925 |
| Sterbedatum | 6. November 1964 |
| Nation |  Schwiz
|
| Disziplin | Stross Bahn: Einerverfolgig |
| Fahrertyp | All-rounder |
| Internationali Team | |
| 1946-1947 1946 1947 1948 1949-1958 1950-1954 1951-1955 1958 |
Amberg Mercier-R.Lapebie Fuchs Tebag Cilo Guerra La Perle-Hutchinson Ghigi-Coppi |
| Wichtigsti Erfolg | |
|
| |
| Infobox zletzt aktualisiert: 30. 5. 2010 | |
Dr Hugo Koblet (* 21. März 1925 z Züri; † 6. November 1964 z Uschter) isch eine vo de erfolgriichste Velorennfahrer us der Schwiiz. Zsämme mit siim Erzrival Ferdy Kübler het er in de 1950er Johr en unvergliichligi Velosport-Euphorii in der Schwiiz usglöst.
Sportligi Karriere
[ändere | Quälltäxt bearbeite]1946 het er si Profikarriere as Bahnvelofahrer agfange. Zwüsche 1947 und 1954 het er sämtligi Schwiizermeistertitel in der Einzelverfolgig uf der offene Rennbahn z Zürich-Oerlikon gwunne. In dere Disziplin isch er bi dr Wältmeisterschaft 1947 Dritte und in de Johr 1951 und 1954 zweimol Zweite worde. Er het d Strosse-Schwiizermeisterschaft 1950 gwunne, und denn won er dr Gino Bartali gschlage und as erste Nit-Italiäner dr Giro d’Italia gwunne het isch er in ganz Europa bekannt worde. Churz druf isch er Erste in dr Tour de Suisse worde. 1951 het er bim Grand Prix des Nations dr Fausto Coppi gschlage und im gliiche Johr het er d Tour de France gwunne vor em Raphaël Géminiani, wo d Bärgwärtig gwunne het. Dr Koblet isch in fümf Etappe Erste worde, het s gäle Liibli währed elf Etappe drait und isch bi dr Bärgwärtig Dritte worde.
Das isch si grösst sportlig Erfolg gsi. Bi dr Tour de Suisse 1952 het er e Nierebeckientzündig übercho, und me het en gege si Wille mit Amphetamin behandlet, und das het e Härzklappe kaputtgmacht. Spöter isch er doch no zweimol Zweite bim Giro d’Italia worde (1953/1954), het d Tour de Suisse no zweimol gwunne (1953/1955), isch zweimol Erste bi dr Meisterschaft vo Züri worde (1952/1954), einisch bi dr Tour de Romandie (1953) und 1955 het er dr Schwiizer Strossemeistertitel gwunne. Das isch si letzt gross Erfolg gsi und 1958 het er ufghört.
Literatur
[ändere | Quälltäxt bearbeite]- Sepp Renggli, Hanspeter Born, Martin Born: Hugo Koblet – Der «Pédaleur de charme». 2. Auflage. AS Verlag, Zürich 2007, ISBN 978-3-909111-18-3.
- Daniel Sprecher: Hugo Koblet – Ikarus auf Rädern. AS Verlag, Zürich 2012, ISBN 978-3-906055-04-6.
Weblingg
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Hugo_Koblet“ vu de dütsche Wikipedia. E Liste vu de Autore un Versione isch do z finde. |