Hubert Konrad Frank

Us der alemannische Wikipedia, der freie Dialäkt-Enzyklopedy

Dr Hubert Konrad Frank (Pseudonym fir Konrad Frank; * 12. Septämber 1939 z Känzinge; † 18. Augschte 2014 z Bergisch Gladbach[1]) isch e dytsche Schriftsteller gsii.

Lääbe[ändere | Quälltäxt bearbeite]

Dr Frank isch zäme mit sym Brueder im Huus vu syne Eltere in dr Brotstroß z Känzinge ufgwagse. No dr Schuel het er an dr Freie Universitet Berlin un an dr Universitet Fryburg Germanischtik un Anglischtik studiert. Aafangs, wu 1970 bis 1978, het as Lehrer an eme Gimnasium gschafft, het aber scho frie aafange schrybe un het syter 1978 as freie Schriftsteller z Fryburg gläbt. Är het Verzellige, Gedicht, un Theaterstuck gschribe, näbe Sache uf Hochdytsch zum Dail au uf Alemannisch. Ab 2004 bis zue sym Dod het er z Bergisch Gladbach bi Köln gläbt.

Anne 1990 het er e Literaturstipändium vu dr Chunschtstiftig Bade-Wirttebärg iberchuu. Är isch Mitglid vum Verbande vu dytsche Schriftsteller gsii un het anne 1988 zue dr Mitgrinder*ne vum Literatur Forum Sidwescht z Fryburg ghert.

Nodäm er vum Ingeborg-Bachmann-Bryys 1990 z Klagenfurt no us formale Grind uusgschlosse woren isch, wel er syni Gschicht vum Baden-Dubel scho in ere Sändig vum Sidweschtfunk vorgstellt ghaa het, isch er dert im Johr druf Dreger vum Bryys vu dr Kärntner Induschtry wore.

Wäärch[ändere | Quälltäxt bearbeite]

  • Baden-Dubel, Berlin [u. a.] 1992

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Zum Tod des Schriftstellers Hubert K. Frank, Badische Zeitung, 22. August 2014