Hoosesagg Museeum

47.5587.586Koordinate: 47° 33′ 29″ N, 7° 35′ 10″ O; CH1903: 611093 / 267487

S Hoosesagg Museeum isch 1995 an dr Imbergasse 31 uffdoo worde und isch s chlinste Museeum z Baasel. Es bestoot us ere äinzige Witriine. Dr Naame chunnt drvo, ass jeede Geegestand, wo usgstellt isch, im ene Hoosesagg Platz het.^[1]

s Museeumsgeböid

S Museeum befindet sich in dr Basler Innestadt, im Woonhuus vo dr Familie Vergeat. Dr Naame vom Huus isch Zum häilige Kristoffel und isch mee wie 600 Joor alt. 1345 isch s zum erste Mol in ere Chronik erwäänt worde. Elf Joor spööter het s s Baasler Äerdbeebe überstande. Dusse uf dr Wand het s Bild vom häilige Kristoferus mit em Jesuschind. Es wird verzellt, ass im Huus die ersti Hebamme vo dr Stadt gläbt het.^[2]

D Laag und wie s Museum entstande isch

Die zentrali Laag rund um e Noodlebärg isch dr Grund gsi, wiso s Glaasfänster in dr Husdüür zum e chliine Museeum unfunkzioniert worde isch. Jeede Daag chömme hunderti vo Turiste und Fuessgänger und e Hufe Stadtfüerige am Huus verbii. D Lüt häi gärn in das alte Huus iinegluegt und für daas isch s Fänster in dr Düüre braktisch gsi. Anstatt das Fänster zuezmache, so dass mä nüm het chönne iineluege,häi d Bewooner us em Fänster e «Fänsterlaade» gmacht. Es isch e Minilaade gsi, wo mä chliineri Geegeständ het chönne chaufe. «Basel Tourismus» zhet s au gmerkt und e Hufe Füerige halte am alte Huus aa, zum s chliine Museeum azluege.^[3] Ein Zutritt ist nicht möglich.

s Museeumskonzept

S Konzept vom «Fänsterlaade» isch allerdings nit guet gloffe. D Lüt, wo verbiichoo si, si zwar wunderfitzig gsi aber au z schüüch, zum z lüte und öbbis go z chaufe. Scho bald isch us em «Fänsterlaade» e Museeum worde. D Vergeats si liideschaftligi Sammler und häi iiri gröössere und chliinere Sammlige im Fänster afo ustelle.^[1] Es isch zwar nume e chliini Witriine, wo mä in e baar Minute alles gsee het,^[2] aber das chliine Museeum isch schnäll en Attrakzioon worde. Es het au Lüt gee, wo iiri äignigi Sammlig häi welle ustelle.^[1]

D Sammlig

Acht Sammlige, wo vilmol Bezuug uf d Jooreszit oder en aktuells Eräinis häi, wärde jeedes Joor e Mooned lang usgstellt.^[1] zum Bischbil Billedoose, Sunnebrülle, Spiilzüüg-Fluugi und Chueglogge.^[2] Wo die Olümpische Spiil 2012 z London abghalte worde si, isch e Sammlig vo roote Londoner Busmodäll zäigt worde.^[1] Jeede, won e Sammlig vo mindestens 30 Däil het, cha ustelle. D Vergeats sälber düen denn s Fänster gstalte.^[3]

Weblinks

Homepage Hosesaggmuseum

Fuessnoote

↑ ^1,0 ^1,1 ^1,2 ^1,3 ^1,4 Hoosesaggmuseum – der aufregendste halbe Quadratmeter der Stadt. In: TagesWoche. 13. September 2013, abgruefen am 24. Februar 2022 (Schwiizer Hochtüütsch).
↑ ^2,0 ^2,1 ^2,2 Peter Bollag: Fundstücke aus der Hosentasche. In: Neue Zürcher Zeitung. 11. Oktober 2013, abgruefen am 9. März 2022.
↑ ^3,0 ^3,1 Willkommen. In: Hoosesaggmuseum. Abgruefen am 24. Februar 2022.

Dä Artikel basiert uff ere fräie Übersetzig vum Artikel „Hoosesaggmuseum“ vu de dütsche Wikipedia. E Liste vu de Autore un Versione isch do z finde.

[:0-1] 1,0 ^1,1 ^1,2 ^1,3 ^1,4 Hoosesaggmuseum – der aufregendste halbe Quadratmeter der Stadt. In: TagesWoche. 13. September 2013, abgruefen am 24. Februar 2022 (Schwiizer Hochtüütsch).

[:1-2] 2,0 ^2,1 ^2,2 Peter Bollag: Fundstücke aus der Hosentasche. In: Neue Zürcher Zeitung. 11. Oktober 2013, abgruefen am 9. März 2022.

[:2-3] 3,0 ^3,1 Willkommen. In: Hoosesaggmuseum. Abgruefen am 24. Februar 2022.

[1]

[2]

[3]