High Society

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
E Bild us em William Hogarth sim Züklus Marriage à-la-mode, wo die änglischi Oot Wolee satirisch abbildet

D High Society (dt.: hoochi Gsellschaft) bezäichnet bestimmti Persönligkäite vo dr Gsellschaft, vor allem brominänte und sonigi, wo in de Medie bresänt si. Dr Usdruck isch umgangssproochlig und nid e sozialwüsseschaftlige Begriff. Im dütsche Sproochruum wird au dr psöidofranzöösischi Begriff Haute Volée brucht, wo aber z Frankriich nit bekannt isch. Dört säit mä haute société.

D High Society spiilt hüte im Grund die gliich Rolle, wo früener dr Adel gha het. Mit em Ändi vo dr ständische Oornig und em Ufstiig vom Bürgerdum wäärend dr Industrialisierig häi sich d Grundlaage drfür, wär zur hooche Gsellschaft ghööri, gänderet: die adligi Abstammig isch in dr Hindergrund dräte bzw. isch ersetzt worde vo dr berüemte Abstammig, also Brominänz oder Pseudobrominänz. Wirtschaftligi oder bolitischi Macht, Riichdum und Schöönhäit si Faktoore wo zelle. Vor allem in de brominäntere Däil vo dr High Society, wo iiri Wichdikäit dur d Medie überchömme, spiilt s e groossi Rolle, wie guet e Persoon cha vermarktet wärde.

Litratuur[ändere | Quälltäxt bearbeite]

Nick Foulkes: High Society. The History of America´s Upper Class, Assouline, 2008.

Weblingg[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vu dere Version vum Artikel „High_Society“ vu de dütsche Wikipedia.

E Liste vu de Autore un Versione isch do z finde.