Hermann Gröhe

Us der alemannische Wikipedia, der freie Dialäkt-Enzyklopedy
dr Hermann Gröhe (2010)

Dr Hermann Gröhe (* 25. Februar 1961 z Uedem) isch e dytsche Bolitiker (CDU). Vu Dezämber 2013 bis Merz 2018 isch er Bundesminischter fir Gsundhait un Bflääg gsii.

Dr Gröhe isch vu 1989 bis 1994 Bundesvorsitzer vu dr Junge Union, vu Oktober 2008 bis Oktober 2009 Staatsminischter im Bundeschanzleramt. Vu Oktober 2009 bis Dezämber 2013 isch er Generalsekretär vu dr CDU gsii.

Läben un Beruef[ändere | Quälltäxt bearbeite]

Noch em Abitur 1980 am Quirinus-Gymnasium z Neuss het dr Gröhe ne Studium vu dr Rächtswissenschaft an dr Universitet Köln absolviert, wun er anne 1987 mit em erschte juristische Staatsexamen abgschlosse het. Derno het er bis 1993 as wisseschaftlige Mitarbaiter bzw. as wisseschaftligi Hiflschraft bim Martin Kriele am Seminar fir Staatsphilosophy un Realbolitik an dr Universitet Köln gschafft. Noch em Referändariat het er anne 1993 au s zwait juristisch Staatsexame bstande. Syter anne 1994 isch er as Rächtsaawalt zuegloo.

Dr Hermann Gröhe isch evangelisch[1], ghyrote un het vier Chinder.[2]

Bolitik[ändere | Quälltäxt bearbeite]

Bartei[ändere | Quälltäxt bearbeite]

dr Hermann Gröhe (2010)

Dr Gröhe isch scho as Schueler anne 1975 dr Jungen Union un anne 1977 au dr CDU bydrätte. Zerscht isch er vu 1983 bis 1989 Vorsitzer vum JU-Chraisverband Neuss gsii, vu 1989 bis 1994 derno Bundesvorsitzer vu dr Jungen Union. Vu 2001 bis 2009 isch er Vorsitzer vu dr CDU im Rhy-Chrais Neuss gsii.

Syter anne 1999 isch dr Gröhe Vorsitzer vum CDU-Bundesarbetschrais Mänscherächt. Är ghert em CDU-Landesvorstand iz Nordrhy-Weschtfalen aa.

Am 24. Oktober 2009 het dr CDU-Bundesvorstand dr Gröhe aistimmig zum kommissarische CDU-Generalsekretär ernännt,[3] was am 21. Merz 2010 vum Bundesuusschuss bstetigt woren isch.[4] Är het dodermit d Noofolg vum Ronald Pofalla aadrätte, wu as Chanzleramtsminischter in di schwarz-geel Regierig vu dr Bundeschanzleri Angela Merkel gwächslet isch.

Abgordnete[ändere | Quälltäxt bearbeite]

Dr Gröhe het vu 1984 bis 1989 un wider vu 1993 bis 1994 em Chraisdag vum Chrais Neuss aaghert.

Syter anne 1994 isch er Mitglid vum Dytsche Bundesdag. Do isch er vu 1994 bis 1998 Sprächer vu dr Junge Gruppe vu dr CDU/CSU-Bundesdagsfraktion gsii. Derno isch er bis 2005 Vorsitzer vu dr Fraktionsarbetsgruppe Mänscherächt un humanitäri Hilf gsii. Vu 2005 bis 2008 isch er Juschtiziar vu dr CDU/CSU-Bundesdagsfraktion gsii. Im Friejohr 2006 isch er zum Obmann vu dr CDU/CSU-Fraktion im Untersuechigsuusschuss zue dr Vorgäng vu dr Gmaindienscht im Irak bstimmt wore.

Dr Hermann Gröhe isch 1994 un 2002 iber d Landeslischt Nordrhy-Weschtfalen un sunscht alliwyl as diräkt gwehlten Abgordnete vum Wahlchrais Neuss I in Bundesdag yyzoge. Bi dr Bundesdagswahl 2009 isch er do uf 47,8 % vu dr Erschtstimme chuu (2005: 47,7 %).[5] Bi dr Bundesdagswahl 2013 het er 51,6 % iberchuu.[6]

Syt em 20. Merz 2018 isch er Stellverdrättende Vorsitzer vu dr CDU/CSU-Bundesdagsfraktion un syt em 6. Juni 2018 au Mitglid in dr vu dr Bundesregierig yygsetzte Räntekummission „Verlässlicher Generationenvertrag“.

Effetligi Ämter[ändere | Quälltäxt bearbeite]

Am 1. Oktober 2008 isch dr Gröhe Noofolger vu dr Hildegard Müller as Staatsminischter bi dr Bundeschanzleri wore.[7] No dr Wahl CDU-Generalsekretär het er s Amt im Oktober 2009 niderglait.

Am 17. Dezämber 2013 het dr Bundesbresidänt Joachim Gauck dr Gröhe zum Bundesminischter fir Gsundhait un Bflääg ernännt.

Sunschtigs Engaschmänt[ändere | Quälltäxt bearbeite]

Dr Gröhe isch Mirglid vu dr Synod un isch vu 2003 bis 2009 Mitglid vum rot vu dr Evangelische Chilche z Dytschland gsii.[8] In dr Johr 2000 bis 2009 isch er Mitrusgeber vum Magazins Chrismon gsii. Syter anne isch er Mitglid im Vorstand vu dr Konrad-Adenauer-Stiftig e. V.[9] Derzue fungiert er syt April 2013 al Schirmherr vum TheMoveForwardProject un setzt si dert yy fir d Unterstitzig vu nöoohaltiger Bidlig z Afrika.[10]

Weblink[ändere | Quälltäxt bearbeite]

 Commons: Hermann Gröhe – Sammlig vo Multimediadateie

Fueßnote[ändere | Quälltäxt bearbeite]

  1. Homepage Hermann Gröhe
  2. Mariam Lau: „Angela Merkel hat einen neuen StrippenzieherWelt vum 23. Septämber 2008
  3. CDU: Hermann Gröhe wird neuer CDU-Generalsekretär Archivlink (Memento vom 25. Oktober 2009 im Internet Archive), 24. Oktober 2009
  4. CDU-Pressemeldung Gröhe mit großer Mehrheit zum CDU-Generalsekretär gewählt (Memento vom 23. Juli 2012 im Webarchiv archive.is)
  5. Wahlergebnis vum Wahlchrais Neuss bi dr Bundesdagswahl 2009 Archivlink (Memento vom 28. Septämber 2013 im Internet Archive)
  6. Wahlergebnis vum Wahlchrais Neuss bi dr Bundesdagswahl 2013 Archivlink (Memento vom 19. Dezämber 2013 im Internet Archive)
  7. Evangelische Nachrichtenagentur idea e. V.: EKD-Ratsmitglied im Kanzleramt, 22. Septämber 2008
  8. EKD: Rat Wahlergebnisse
  9. Konrad-Adenauer-Stiftung e. V.: Mitglieder des Vorstandes, Stand Merz 2011
  10. TheMoveForwardProject: Archivierte Kopie. Archiviert vom Original am 29. Dezember 2013; abgruefen am 20. Dezember 2013.
Dä Artikel basiert uff ere fräie Übersetzig vu dere Version vum Artikel „Hermann_Gröhe“ vu de dütsche Wikipedia. E Liste vu de Autore un Versione isch do z finde.