Hermann Daur

Us der alemannische Wikipedia, der freie Dialäkt-Enzyklopedy
Gmälde vom Hermann Daur (1902): Frelsdorf - Inneres eines niedersächsischen Bauernhauses

Dr Albert Hermann Daur (* 21. Februar 1870 z Stette, hütt e Stadtteil vu Lörrach, † 21. Februar 1925 z Ötlige, hütt Wiil am Rhy) isch e dütsche Moler un Grafiker gsi.

Sini Usbildig het er 1885 in de Zeicheschuel Schieder z Basel gmacht. 1886 isch de Hermann Daur an d Kunstgwerbschuel z Karlsrueh zum Studiere gange. Er het dört bim Franz Sales Meyer un em Max Läuger gstudiert. 1888 isch er in Furtwange Assistent an de Uhrmacherschuel gsi. Vu 1891 bis 1902 het de Daur an de Großherzogliche Kunstschuel z Karlsrueh bim Ernst Schurth, Robert Pötzelberger un Carlos Grethe gstudiert.

Noch em Bsuech vu de Molklass bim Leopold vu Kalckreuth un noch Studie in de Grafikklass vum Walter Conz het er 1902 si Studium als Meischterschüeler vum Hans Thoma beendet.

In de Semeschterferie het er sich hüffiger in de Dachauer Molerkolonie bim Adolf Hötzel ufghalte. Vu 1895 eweg isch es zu jährliche Ufenthalte im Buure- un Fischerdorf Duhne bi Cuxhave chu, wu er sini Frau Margarete Boldt chenneglehrt het. Ab 1906 isch de Daur freischaffende Künschtler im südbadische Ötlige gsi, wu hütt zu Wiil am Rhy ghört. 1909 isch er uf e Studiereis ins schwizerische Engadin gange.

De Daur het zu de früehe Mitgliider vum Karlsrueher Künschtlerbund ghört. Er het vor allem si Heimet gmolt, de Südschwarzwald, un bsunders s Wiisetal (si Heimettal). Im Daur sini Werk verrote de Iifluss vu de Grötzinger Molerschuel un vom Hans Thoma. Si zeige Stilelement vum Jugendstil, we sini Portraits.

Literatur[ändere | Quälltäxt bearbeite]

  • Hermann Eris Busse: Hermann Daur. Karlsruhe: C. H. Müller, 1927 (2. Aufl.)
  • Leo Mühlfahrt: Kleines Lexikon Karlsruher Maler. 2. Aufl. Karlsruhe 1987.
  • Allgemeines Künstlerlexikon Band 24, 2000.

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Hermann_Daur“ vu de dütsche Wikipedia. E Liste vu de Autore un Versione isch do z finde.