Die helvetischi Consulta

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Die Gsandte vo dr Helvetische Republik bechömme d Mediationsakte am 19. Februar 1803. Under anderem si an dr Zeremoni dr Bonaparte, dr Talleyrand und die vier franzöösische Kommissar drbii gsi.

Die Helvetischi Consulta (ital. consulta = Rotsversammlig), au Helvetischi Konsulta, isch e Versammlig vo Notable und Deputierte us dr Helvetische Republik gsi, drunder die Delegierte vom Helvetische Senat, dr Karl von Müller-Friedberg, dr Auguste Pidou und dr Vinzenz Rüttimann, wo z Paris under dr Aleitig und Vermittlig vo dr französische Regierig unter em erste Konsul Napoléon Bonaparte zwüschen em 10. Dezämber 1802 und em 19. Februar 1803 d Mediationsakte, e neui Verfassig für d Schwiz und ihri Kantön, usgarbeitet het.

S Vorbild für die Helvetischi Consulta isch die Cisalpinischi Consulta vom Oktober 1801 bis Januar 1802 z Lyon gsi, wo d Verfassig für die Italiänischi Republik gschriibe und dr Napoléon Bonaparte zum Bresidänt vo Italie gmacht het.