Die cisalpinischi Consulta

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Die Cisalpinisch Consulta z Lyon am 26. Januar 1802

Die Cisalpinisch Consulta, au d Consulta vo Lyon, isch e Versammlig vo Deputierte us dr Cisalpinische Republik gsi, wo im Januar 1802 z Lyon as Konstituente vo dr neue Italiänische Republik fungiert het.

Hindergrund[ändere | Quälltäxt bearbeite]

Noch dr Niiderlag vo Frankriich im Zweite Koalitionschrieg im April 1799 isch die Cisalpinisch Republik ufglöst worde. Dr Napoleon het aber scho im Johr druf d Schlacht vo Marengo gwunne und het die Cisalpinisch Republik am 4. Juni 1800 (15. Prairial vom Johr VIII) widergründet. Am 17. Juni (18. Prairial) het er e nüünchöpfigi usserordentligi Regierig und e legislativi Consulta ernennt. Am 16. Juli 1800 (16. Messidor) si alli Gsetz wo under dr Östriichische Bsatzig erloo worde si, annulliert worde, und die cisalpinisch Trikolore isch wider d Staatsflagge worde.

D Consulta[ändere | Quälltäxt bearbeite]

Am 12. Novämber 1801 (12. Brumaire vom Johr X) isch die usserordentligi Cisalpinischi Consulta z Lyon zsämmedrätte. Am 24. Januar 1802 het sich dr Napoleon het zum Presidänt vo dr Republik lo wehle. Zwei Dag druf isch dr Napoleon, begleitet vom Murat, Berthier, Louis Bonaparte, vo dr Hortense and dr Joséphine de Beauharnais im Collège de la Trinité of Lyon vor dr Consulta erschiine und die italiänische Deputierte hai die Italiänischi Republik usgrüeft. Am 10. Februar (21. Pluviose) isch die konstitutionelli Regierig z Mailand vom Sommariva und vom Ruga usgrüeft worde.