Hekataios vo Milet

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Rekonstruktion vo dr Wältcharte vom Hekataios

Dr Hekataios vo Milet (altgriechἙκαταῖος; latin. Hecataeus) isch en antike griechische Gschichtsschriiber und Geograaf gsi. Er isch dr Soon vom Hegesandros gsi und vo öbbe 560 bis 480 v. d. Z. z Milet gwirkt.

In dr Antike het men en wie au hüte no immer wider mit em Hekataios vo Abdera verwäggselt, wo öbbe zwäi Joorhundert noch em Hekataios vo Milet gläbt het und näbe gschichtlige Büecher au Wärk über e Homer und Hesiod verfasst het.

Si Wärk[ändere | Quälltäxt bearbeite]

Dr Hekataios vo Milet het e Räisebeschriibig (Periegesis, griechisch Περιήγησις; dt. „Umriss“) vo dr Wält wie si iim bekannt gsi isch, verfasst, wo geografisch und historisch für die domooligi Zit rächt exakt gsi isch. Si Bricht, wo öbbe 300 Bruchstück von em erhalte si, isch räin beschriibend und isch hüfig vom Herodot zitiert worde.

Si Wärk in vier Bänd, wo spööter as Genealogiai (griechisch Γενεαλογίαι) bekannt worde isch, isch s eltiste griechische Gschichtsbuech, wo erhalte isch. Es markiert dr Aafang von ere Gschichtsschriibig, wo uf ere Ruum-Zit-Erkenntnis basiert, und het en erste Aafang gmacht, mythologischi Inhalt razional züberbrüefe.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

  • Hekataios von Milet. In: Ehsan Yarshater (Hrsg.): Encyclopædia Iranica (änglisch, inkl. Literaturaagabe)
  • Jona Lendering: Artikel. In: Livius.org (änglisch)